O escultor Diego de Giráldez, autor da escultura dedicada a D. Ricardo García Fernández que está ubicada no céntrico Paseo da Corredoira, promove en colaboración co Concello de Tui un recital poético arredor da súa obra artística.  Terá lugar mañá sábado, 25 de outubro, ás 17.30 h no  Espazo Sociocultural da rúa Camilo José Cela, contando coa colaboración da Biblioteca Municipal do Concello de Tui.

Neste recital participaran cerca dunha vintena de poetas e escritores chegados de toda Galicia que se unen para este encontro cultural arredor da obra artística de Diego de Giráldez.

A película Sirat, dirixida polo galego Oliver Laxe, proxéctase no Teatro Municipal de Tui mañá venres 24 de outubro ás 21 h dentro da programación cultural de outono.

Sirat foi seleccionada para representar a España para competir pola nominación ao Oscar á mellor película internacional, e recibiu xa co Premio do Xurado en Cannes.

Este venres, 24 de outubro, celébrase o  Día da Biblioteca. A Biblioteca Municipal de Tui  festexará esta data con diversas actividades que difunden o papel de biblioteca na comunidade local.

O próximo martes, 21 de outubro, continúan na Biblioteca Municipal de Tui as actividades do “Mes da Biblioteca”. Será ás 17.30 h  cunha sesión de contacontos, para nenos a partir de 5 anos, a cargo de Manuela contacontos que trae o espectáculo “O gato con contos” .

Cita teatral para público familiar este venres, 17 de outubro, ás 19 h no Teatro Municipal de Tui. Os Naúfragos Teatro representarán no Teatro Municipal de Tui “Bulebule”.  Baixo a dirección de Gustavo del Río e interpretado por Irene Lorenzo e Jimmy Núñez, Bulebule conta a historia de Candela,  a quen chaman Bulebule, e que ten TDAH.

A Biblioteca Municipal tudense continúa desenvolvendo o seu programa de actividades do “Mes da Biblioteca” cunha nova cita mañá martes, 14 de outubro, ás 17.30 horas. Desta volta, a Biblioteca Municipal ofrece unha sesión de contacontos para bebés titulada “Estás como unha cabra” a cargo da compañía Lala Teatro con Noelia Porto.

“Destino, unha peregrinación de Manuel Valcárcel” é o título da exposición que esta mañá foi inaugurada na Sala Municipal no edificio Francisco Sánchez de Tui. A mostra está organizada pola Afundación, Obra Social de Abanca. 

No acto de apertura participaron Enrique Cabaleiro, alcalde de Tui, José Luis Romero Quiroga, Coordinador Institucional de Abanca, Belén Gayo López, directora da oficina de Abanca de Tui, e Paloma Vela Garicano, coordinadora adxunta da Área de Cultura de Afundación.

Mañá xoves, 9 de outubro, ás 11 h na Sala Municipal de Exposición terá lugar a inauguración da mostra  “Destino. Unha peregrinación de Manuel Valcárcel”. 

ABANCA, Afundación e o Concello da Tu presentan esta mostra en Tui até o 8 de novembro. 

O Teatro Municipal de Tui acolle este venres, 10 de outubro, ás 21 h “Reconversión”, un espectáculo teatral e musical de Ibuprofeno Teatro.

Esta obra é un exercicio de memoria histórica sobre a reconversión no sector naval na Ría de Vigo. Trátase dun espectáculo de gran formato escrito e dirixido por Santiago Cortegoso, que forma parte tamén do elenco xunto a Artur Abad, Cristina Collazo, César Goldi, Celia González, Davide González, Fran Lareu e Nani Matos, actores-músicos que forman unha charanga que interpreta a banda sonora en directo.

Máis de 300 escolares asistiron hoxe no Teatro Municipal de Tui á representación de “A Libraría Máxica” da man de Inventi Teatro. Este é o primeiro dos espectáculo do programa +Escénicas da Deputación que chega a Tui este curso escolar.  En concreto asistiu á obra teatral alumnado dos CEIP’s de Pazos de Reis, Rebordáns, nº2, Caldelas, Randufe, Guillarei, nº1, do CRA Mestra Clara Torres e do Colexio Maristas.