O Concelleiro de Seguridade, Antonio Castro, informa que a Policía Local de Tui conta cun novo vehículo adquirido polo Concello de Tui ao abeiro dunhas baixas do Plan Concellos 2016 por un importe de 24.696€ euros.

O concelleiro explica ademais que o novo vehículo é 4x4 vén satisfacer as necesidades que neste tipo de coche tiña o corpo da Policía Local pola antigüidade dos outros vehículos dos que dispón. O novo vehículo amais conta coas características axeitadas para prestar servizo sobre todo no rural.

Unha trintena de persoas constitúen a Agrupación de Voluntarios de Protección Civil que o pasado sábado celebrou asemblea extraordinaria para a súa reactivación.  Polo momento de forma provisional terán a súa sede na nave municipal en Guillarei, a expensas de que sexa habilitada unha zona específica, segundo informa o concelleiro de Seguridade Cidadá, Antonio Castro Negro.  Na asemblea do pasado sábado procedeuse á baixa daqueles voluntarios que figuraban anteriormente e non querían continuar, e a dar de alta a novas incorporacións.

O Concello de Tui procedeu esta mañá á entrar nas instalacións da pirotecnia La Gallega en Baldráns, para permitir que os TEDAX e Intevención de Armas da Garda Civil procedesen a cumprir o mandato xudicial consistente no  ao desaloxo do material pirotécnico e explosivo que se atopa no interior como paso previo á demolición das 25 casetas existentes. O xuíz daba dez días para o desaloxo do material explosivo, que expiran o día 30, e todo parece indicar que non se cumprirá este prazo por parte dos encargados do desaloxo.

O concello de Tui informa a través da concellería de Seguridade, Tráfico e mobilidade, presidida polo concelleiro Antonio Castro Negro, que mañá mércores, 1 de agosto, entrará en vigor a reordenación do tráfico na rúa Casal Aboy que consistirá principalmente no establecemento de aparcamentos en fila a ambos lados da calzada e un único carril de circulación polo centro da vía, co que se busca evitar o estacionamento en dobre fila.

O Concello de Tui, representado polo concelleiro de Seguridade Cidadá, Antonio Castro, e por dous membros da Agrupación de Voluntarios de Protección Civil, recibiu onte un dos 157 desfibriladores entregados pola Xunta de  Galicia aos corpos de bombeiros comarcais, GES e Protección Civil, no marco da aposta continua do Goberno galego por reforzar a resposta.

Tui contará nos próximos meses novamente coa Agrupación de Voluntarios de Protección Civil. O pasado xoves en pleno foi aprobada a reactivación deste colectivo que leva varios anos sen actividade. Nestes momentos está aberto o prazo de inscrición para novos voluntarios para a posterior celebración dunha asemblea da agrupación na que se regularice a situación dos seus membros e se elixa unha nova xunta directiva.

Esta mañá a Policía Local de Tui recibiu unha nova motocicleta nas súas oficinas na praza da Inmaculada. Trátase dun novo vehículo financiado con cargo ao Plan Concellos 2017 da Deputación de Pontevedra.

Na recepción estiveron presentes o alcalde de Tui, Enrique Cabaleiro, e o concelleiro de Persoal e Seguridade, José Ramón Magán, xunto ao xefe da Policía Local, José Ramírez e un representante de Ángel Leirós Motos, o concesionario de Yamaha para a provincia de Pontevedra no que foi adquirido o novo vehículo.

O Concello de Tui non poderá contratar a catro persoas para o servizo de Protección Civil ao non poder acceder a unha achega, por importe de 12 mil euros da Consellería de Economía, Emprego e Industria, ante a imposibilidade de proceder á contratación no tempo marcado na resolución de concesión da subvención que era o pasado 15 de setembro.