Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
O MUMI chega á súa 4ª edición co obxectivo de seguir construíndo novas e mellores formas de traballar pola música en vivo. Con ese propósito, a feira presenta un bo feixe de novidades como a colaboración coa prestixiosa Fira Mediterrània de Manresa, que abre as nosas músicas ao mercado internacional; ou o Espazo Loja destinado á promoción dos traballos publicados polas editoras musicais.
O Concello de Tui vai facer entrega dun bandeirín ao patrulleiro Cabo Fradera con motivo do sesenta aniversario da súa presenza en Tui como recoñecemento da nosa cidade a ampla traxectoria deste patrulleiro e a súa permanente contribución á vida do noso municipio a longo destas décadas. O alcalde de Tui, Enrique Cabaleiro, fará entrega deste bandeirín ao comandante e dotación do Patrulleiro de Vixilancia Interior Cabo Fradera o próximo venres, 15 de setembro, ás 11.30 h.
O Concello de Tui vai facer entrega dun bandeirín ao patrulleiro Cabo Fradera con motivo do sesenta aniversario da súa presenza en Tui como recoñecemento da nosa cidade a ampla traxectoria deste patrulleiro e a súa permanente contribución á vida do noso municipio a longo destas décadas. O alcalde de Tui, Enrique Cabaleiro, fará entrega deste bandeirín ao comandante e dotación do Patrulleiro de Vixilancia Interior Cabo Fradera o próximo venres, 15 de setembro, ás 11.30 h.
Mañá venres, 8 de setembro, ás 20 h inaugúrase na Sala Municipal de Exposicións, no edificio Francisco Sánchez a mostra ‘Arquitectura, debuxo e tinta” do artista porriñés David Pérez Rego ‘Cato’. O artista presenta ao longo deste mes de setembro máis de 50 debuxos orixinais, caracterizados por reproducir ao detalle, con estilógrafo, obras do patrimonio arquitectónico de Galicia.
Cinco faladoiros nos que se abordarán temas cruciais para a industria musical neste momento serán os que se celebren o venres 22 e o sábado 23 na Eurocidade Tui-Valença dentro do MUMI. A zona profesional estará situada nas instalación da Escola Superior de Ciencias Empresariais de Valença.
O vestíbulo do Teatro Municipal acollerá o sábado 23 de setembro, dentro da progamación do MUMI, unha nova actividade dirixida á promoción e venda física de producións editoriais e discográficas da industria galega e portuguesa. Será no apartado denominado como Espazo Loja, e concebido como un Encontro de Editoras Musicais. Contará cos catálogos da portuguesa Tradisom, e das galegas aCentral Folque e Através Editora.
Mañá martes continua o programa de visitas guiadas “Coñece o noso patrimonio” que están a percorrer diversos elementos patrimoniais da nosa cidade organizadas polo Instituto de Estudios Tudenses en colaboración co Concello de Tui. O obxectivo é facilitar un achegamento a diversos espazos patrimoniais tudenses dan de especialistas
Mañá martes ás 20.00 horas a profesora de Historia da Arte da Universidade de Santiago de Compostela, Marta Cendón Fernández, guiará unha visita denominada “A catedral de Tui no medievo. Un percorrido exterior a través do románico e o gótico”.
Tui vivirá mañá sábado a Festa do Miño que se pechará a partir das 20 h na rúa Compostela coa Festa Gastronómica, nun evento que volverá a congregar a centos de persoas nesta céntrica rúa.
Mañá venres, 18 de agosto, celébrase o XXVIII Festival de Bandas de Música no que participarán a Banda de Música Popular de Tui e a Banda de Música Unión Musical de Tenorio de Cercedo-Cotobade. O evento estaba inicialmente previsto na praza de San Fernando, pero debido á previsión de choiva foi trasladado á igrexa de San Domingos.
A partir das 21 h o público poderá gozar co concerto destas dúas agrupacións populares que ofrecerán un variado repertorio no que non faltarán pezas clásicas de bandas de música, pero tamén novos temas que de seguro conquistarán ao público.
Máis 1.100 persoas participarán este sábado, 19 de agosto, no Descenso Internacional do Miño e no Descenso Popular que organiza o club Kaiak Tudense coa colaboración do Concello de Tui, entre outras institucións e entidades. Este eventos foron presentados esta mañá na rúa Olímpicos Tudenses.
