Pronóstico de Tutiempo.net
Facebook Twitter Vimeo

Tui e Valença constitúen dende febreiro de 2012 unha Eurocidade, nun proceso que deu oficialidade formal á relación entre as poboacións dende antano. A interacción entre as dúas cidades e a colaboración entre as súas xentes son exemplo de cooperación transfronteiriza. Os dous municipios levan a cabo actividades conxuntas de promoción turística, así coma no eido deportivo e cultural. Desta unión nacerán nun futuro, con toda seguridade, proxectos e camiños que tudenses e valençianos percorrerán xuntos. 

Unha andaina nocturna unirá este sábado os dous principais cumios da Eurocidade Tui-Valença

Undefined

Unha andaina nocturna unirá este sábado, 28 de xullo, os dous principais cumios da Eurocidade Tui-Valença, o Monte Aloia e o Monte Faro, á luz da lúa chea. Será un percorrido de 17 de quilómetros, de dificultade doada, que comezará ás 23.30 hora española no Aloia e rematará entorno ás 5 da madrugada vendo o amencer no Monte Faro.  Esta novidosa proposta forma parte do calendario de Andainas Saudables da Eurocidade.

O 25 de marzo conmemórase o 132 aniversario da inauguración da vella Ponte Internacional

Undefined

O 25 de marzo de 1886 inaugurábase de xeito oficial a antiga ponte internacional sobre o  río Miño deseñada polo enxeñeiro Pelayo Mancebo. Co gallo do seu 132 aniversario, a Eurocidade Tui- Valença rememora ese fito o domingo 25 de marzo.

Ás 16 hora española será inaugurada no Núcleo Museológico de Valença a mostra "O beijo das locomotivas".

Tui buscará aliarse con Valença dentro da Eurocidade para converterse en Smart City

Undefined

A Eurocidade Tui-Valença estudará a solicitude de subvencións para poder converter a Tui e a Valença nunha Smart City logo da presenza de técnicos das dúas cidades a pasada semana en Barcelona no World Congress Mobile.

Para o Concello de Tui asumir en solitario o investimento preciso para a modernización dos servizos que presta sería inviable economicamente polo seu tamaño polo que a aposta sería a asociación con municipios limítrofes, inclinándose por esa alianza con Valença dentro da Eurocidade.

Este sábado celébrase a III Taça San Teotonio Eurocidade

Undefined

Este sábado, 17 de febreiro, ás 12.00 horas españolas, no Campo Municipal de Fútbol “Álvarez Durán” de Tui, disputarase o terceiro torneo de fútbol veterano Eurocidade, onde se porá en xogo a Taça San Teotonio.

Neste encontro enfrontaranse os equipos de categoría veterano do Tyde F.C. e do S.C. Valenciano, no que se pretende reunir nunha xornada lúdico deportiva, aos antigos xogadores de ambos clubs.

O partido de volta celebrarase nas Festas de San Telmo, disputándose o encontro no Estadio Dr. Lourenço Raimundo de Valença.

 

III Taça San Teotonio de fútbol veterano

O Campo Municipal de Fútbol “Álvarez Durán” de Tui, acolle o sábado, 17 de febreiro, ás 12h  o III Torneo de fútbol veterano Eurocidade, onde se porá en xogo a Taça San Teotonio. Enfrontaranse os equipos de categoría veterano do Tyde F.C. e do S.C. Valenciano, no que se pretende reunir nunha xornada lúdico deportiva, aos antigos xogadores de ambos clubes. O partido de volta se celebrará nas Festas de San Telmo, disputándose o encontro no Estadio Dr. Lourenço Raimundo de Valença.

Melchor, Gaspar e Baltasar protagonizan a Cabalgata Internacional de Reis na Eurocidade

Undefined

A Eurocidade Tui-Valença ten todo preparado para recibir este venres, 5 de xaneiro, aos  Reis Magos de Oriente que protagonizarán un ano máis a Cabalgata Internacional entre os dous municipios de dous países nunha comitiva formada por máis de 150 persoas.

A saída está prevista ás 17 hora española dende o Albergue de Peregrinos de San Teotonio en Valença, onde se iniciará o percorrido de 3,5 quilómetros, que rematará dúas horas despois, ás 19 h, no Paseo da Corredoira en Tui fronte ao Seminario Menor.

Páxinas

Subscribirse a RSS - Eurocidade