Son moi diversos os ámbitos de actuación dos Servizos Sociais, dende a prevención, ao asesoramento ou a axuda as persoas en situacións máis desfavorecidas. Piar básico da loita pola igualdade de oportunidades os Servizos Sociais de Tui, dan apoio a centos de persoas que por distintas circunstancias vitais precisan deles. Colaboran ademais con outras entidades públicas e privadas na busca sempre da mellora da calidade de vida dos cidadáns.
Un total de 198 alumnos e alumnas e docentes de 4º de ESO do IES San Paio, do Colexio Maristas Santa María e do Seminario Menor San Paio asistiron esta mañá á proxección da segunda película do programa “O Cine nas Aulas”, no Teatro Municipal de Tui.
Con esta película traballarán sobre valores de igualdade, respecto ás persoas e non agresión baixo ningún concepto; drogas e submisión química.
O Concello de Tui, a través do departamento de Servizos Sociais, organiza un ano máis, en colaboración coa Asociación Española contra o Cancro, un curso de dehabituación tabáquica, dirixido a persoas maiores de 18 anos.
Esta actividade comezará o próximo mes de xaneiro, celebrándose os mércores de 17 a 18.30 h. Constará de 7 sesións de hora e media cada unha na que se brindará apoio técnico, consellos e acompañamento no proceso de deixar o tabaco.
Mañá xoves, 1 de decembro, conmemórase o Día Mundial da SIDA. Por este motivo, coma adoita facer anualmente, o Servicio de Prevención de Drogodependencias do Concello de Tui, leva a cabo unha campaña informativa e de concienciación sobre esta enfermidade. Por este motivo a fachada do Concello ilumínase de vermello.
Mañá mércores terá lugar a segunda proxección do programa Cine nas Aulas no Teatro Municipal de Tui. Asistirán un total de 198 alumnos e alumnas e profesores e profesoras de 4º de ESO dos IES San Paio, Indalecio Pérez Tizón, Seminario Menor San Paio e Colexio Maristas Sta María. Con esta película traballaran sobre valores como aceptación, amizade, igualdade, inclusión, respecto, superación, comprensión, liberdade, empatía, amor, lealdade, coraxe, dignidade.
O anexo da Sala Municipal de Exposicións do Concello de Tui, acollerá mañá xoves, 3 de novembro, ás 12.30 h a inauguración da exposición fotográfica “Nun lugar calquera” sobre a trata de seres humanos que poderá visitarse até o día 15 de novembro.
A exposición está organizada por ACCEM, unha organización sen ánimo de lucro, apartidista e aconfesional que traballa para mellorar as condicións de vida das persoas en situación de vulnerabilidade. Conta coa colaboración do Concello de Tui a través das súas concellerías de Servizos Sociais e Cultura.
Até o 16 de novembro está aberto o prazo para solicitar as bolsas de estudos para ensinanzas musicais do curso 2021/22. No BOPPO número 199 do pasado martes, 18 de outubro de 2022, publicouse extracto do acto do acordo do 7 de outubro de 2022 da Xunta de Goberno Local, pola que se convocan as bolsas e se aproba as Bases Particulares Reguladoras da convocatoria de Becas de Estudio para Ensinanzas Musicais no Conservatorio Profesional e na Escola de Música de Tui.
A unidade de Coidados Porta a Porta estará en Tui do 8 ao 11 de novembro ofrecendo servizos gratuítos de podoloxía, revisión auditiva e estimulación da memoria. As persoas maiores de 55 anos interesadas poden solicitar xa a súa cita nos teléfonos 622 74 82 83 e 623 54 69 92 ou no correo coidadosportaaporta.politicasocial@xunta.gal.
A unidade do programa Coidados Porta a Porta, posto en marcha pola Xunta de Galicia, estivera xa en Tui o pasado mes de abril, e en abril realizará unha segunda visita.
Mañá comeza unha nova temporada do programa Cine nas Aulas, na que participará un total de 166 alumnos e alumnas e 8 profesores e profesoras de 5º e 6º de Primaria. Os centros convidados nesta primeira proxección son o CEIP de Pazos de Reis, o CEIP Nº2 e o Colexio Maristas Santa María.
Con esta película traballarase cos mozos e mozas sobre a comprensión e análise do propio filme, sobre os medos racionais e irracionais, as emocións, o autocoñecemento e sobre unha alimentación saudable.
Pexegueiro contará tamén co programa Cultiva a Mente, que este novo curso chegará a nove parroquias tudenses. As persoas interesadas neste novo grupo de actividade poden realizar xa a súa inscrición descargando da web municipal a ficha de solicitude e presentándoa por sede electrónica en https://concellotui.sedelectronica.gal/ ou directamente nos Servizos Sociais na casa do concello. Pódese ampliar esta información no 986 60 36 25 ext. 25 ou no 607 194 175.
O próximo mes de outubro comezará unha nova temporada do programa Cultiva a Mente posto en marcha polo Concello de Tui coa colaboración de AFAGA. Este ano esta actividade celebrarase en oito parroquias tudenses ao incorporarse Malvas e continuar en Areas, Caldelas, Guillarei, Pazos de Reis, Randufe, Rebordáns, e Ribadelouro.
Cultiva a Mente busca promover un envellecemento activo e saudable das persoas maiores de 55 anos a través de diversas actividades, ao tempo que fomenta a sociabilidade ao ser unha actividade grupal.
