Esta mañá na sala de concelleiros de Tui tivo lugar a presentación do IV Trofeo de Baile Deportivo Eurocidade. Este evento celebrarase o domingo 26 de novembro, no pavillón municipal de Valença, e co mesmo pecharase o Calendario de Actividades Deportivas da Eurocidade 2017.

A presentación correu a cargo do alcalde de Tui, Carlos Vázquez Padín, do concelleiro de Deportes de Tui, Andrés Urseira, do vereador de Desporto de Valença, José Monte, así como do responsable do evento, Miguel Abreu.

Este venres, 17 de novembro, ás 11.00 horas, na sala de concelleiros de Tui, terá lugar a presentación do IV Trofeo de Baile Deportivo Eurocidade. Este evento celebrarase o domingo 26 de novembro, no pavillón municipal de Valença, co mesmo pecharase o Calendario de Actividades Deportivas da Eurocidade 2017.

A presentación deste venres correrá a cargo do alcalde de Tui, Carlos Vázquez Padín, do concelleiro de Deportes de Tu, Andrés Urseira, do vereador de Desporto de Valença, José Monte, así como do responsable do evento, Miguel Abreu.

A Eurocidade Tui-Valença acolle esta fin de semana unha reunión da Federación de Academias de Gastronomía dos Camiños de Santiago. A primeira cita do programa previsto terá lugar ás 16h no Parador Nacional de Turismo San Telmo de Tui cunha reunión para admitir coma membro da Federación á Academia de Gastronomía Portuguesa do Camiño de Santiago. Con esta incorporación pasan a ser unha federación de carácter internacional, tendo amais solicitudes de academias francesas e italianas.

Esta fin de semana dentro do Circuíto de Andainas Saudables da Eurocidade realizaranse dúas andainas, unha o sábado e outra o domingo, polo “Camiño Portugués pola Costa”, no seu percorrido polos municipios de Tui e Valença.

A primeira andaina será este sábado, 30 de setembro, para percorrer á inversa a etapa do Porriño a Tui. A saída será ás 09.00 horas en autobus dende o Centro Interfederado de Tui ata a fronteira coa localidade de O Porriño, para percorrer o Camiño de Santiago ata as inmediacións da vella ponte internacional.

Este venres, 22 de setembro, e sábado, 23 de setembro, dentro do calendario de actividades deportivas da Eurocidade, o Valença Hoquei Club, en colaboración coa Eurocidade Tui-Valença, organizará o IV Torneo Eurocidade de Hoquei. No mesmo van participar equipos de primeiro nivel, como o Sporting CP, o Club Liceo, o AD Valongo, así como o propio Valença H.C., que esta tempada competirá na primeira división nacional portuguesa.

. Mañá venres, 15 de setembro, ás 17h comeza o IV Torneo de Tenis da Eurocidade que se vai disputar ata o domingo, 1 de outubro,  nas pistas de tenis de Areas e nas da piscina municipal de Valença. Está organizado polo Club Tenis Tui coa colaboración da Eurocidade Tui-Valença.

A presentación deste evento deportivo tivo lugar esta mañá na casa do concello a cargo do alcalde de Tui, Enrique Cabaleiro, o concelleiro de Deportes, Laureano Alonso, o concelleiro da Eurocidade, Miguel Capón, e o representante do Club Tenis Tui, Luís Saracho.

Reivindicar a importancia do Camiño Portugués pola Costa dende Caminha ata Tui é o obxectivo da andaina organizada para este sábado por Iacobus Tui en colaboración co Concello de Tui.  Preto dun centenar de persoas realizarán en dous grupos este percorrido histórico, un grupo completando os 34 quilómetros que separan Caminha e Tui e o outro grupo os 17 quilómetros entre Vila Nova de Cerveira e Valença.

Mañá xoves, 14 de setembro, ás 11h na sala de reunións da casa do concello de Tui terá lugar a presentación do IV Torneo de Tenis da Eurocidade que se vai celebrar do 15 de setembro ao 1 de outubro.

O alcalde de Tui, Enrique Cabaleiro, xunto ao concelleiro de Deportes, Laureano Alonso, e o vereador de Desporto de Valença, José Monte, serán os responsables da presentación do torneo xunto a Pablo Garcia e Luís Saracho do Club Tenis Tui, organizadores do evento.

Até o próximo mércores 6 de setembro permanecen abertas as inscricións para o “IV Torneo de Tenis da Eurocidade”, que organiza o Club Tenis Tui, coa colaboración da Eurocidade Tui-Valença. Este evento deportivo disputarase nas pistas de tenis da piscina municipal de Valença e nas pistas de tenis de Areas, dende o 15 de setembro ata o 1 de outubro.