A exitosa experiencia de cooperación transfronteiriza entre o Concello de Tui e a Cámara de Valença fixo posible que a cidade acolla hoxe e onte a reunión anual do Comité de Seguimento Interreg España-Portugal POCTEP 2021. O alcalde, Enrique Cabaleiro, e a tenente alcalde, Ana Núñez, déronlles a benvida esta mañá ao municipio nun dos lugares destacados do patrimonio cultural tudense coma é a Catedral de Tui, onde se fixeron a foto de familia.

A Eurocidade Tui-Valença vén de editar o calendario do ano 2026 que se transformará en solidariedade grazas ás aportacións da veciñanza dos dous municipios.

Cada exemplar do almanaque poderase obter a cambio de dous quilos de alimentos non perecedoiros. Así a Eurocidade Tui-Valença transforma os meses do ano en solidariedade.

A Eurocidade Tui-Valença recibirá máis de medio millón de euros de fondos europeos para continuar a desenvolver un programa conxunto de actividades culturais e deportivas. O Concello de Tui e a Cámara Municipal de Valença veñen de recibir a confirmación da concesión de 521.517,71€ para o proxecto Unicidade 2030 a través do Programa de Cooperación Interreg VI-A España Portugal (POCTEP) 2021-2027.

Todo preparado na Eurocidade Tui-Valença para recibir este sábado ás máis de 700 persoas que van participar nunha proba única que sorprende cada ano como é a Urban Trail Night Eurocidade que celebrará a súa novena edición. 

Este mediodía o alcalde de Tui, Enrique Cabaleiro, o concelleiro de Deportes de Tui, Rafael Estévez, o vereador de Desporto de Valença, Óscar Silva, o xefe territorial de Deportes da Xunta, Daniel Benavides, e os organizadores, Serafín Martínez e Justi Peixoto, deron a coñecer todos os detalles deste evento deportivo.

Maña mércores 26, ás 12.00 horas, no Espazo Sociocultura da rúa Camilo José Cela, terá lugar a presentación da IX Urban Trail Night Eurocidade, proba deportiva incluída dentro do Calendario Deportivo da Eurocidade 2025. Está organizada polas empresas NOKO 360 e Sra Emilia, en colaboración coa Eurocidade Tui-Valença. A IX Urban Trail Night Eurocidade celebrarase este sábado 29, con saída ás 19.30 horas españolas, dende Valença e chegada ao Paseo da Corredoira de Tui.

 A Eurocidade Tui-Valença acollerá o sábado 2 de agosto o IV Encontro Ibérico Audi organizado por PRC Vigo Audisport - Club Audi Galicia. Nesta cuarta edición, que se prevé reúna máis dun centenar de persoas, os organizadores  apostaron por Tui e por Valença, salientando o atractivo turístico das dúas cidades e a súa situación estratéxica.

A Eurocidade Valença-Tui comeza o seu programa de andainas saudables de 2025 cun percorrido entre viñas e vales

A primeira cita deste ciclo será o próximo domingo, 11 de maio, co Trilho Entre Viñas e Vales.  Sairá ás 10 h ES da igrexa de Ganfei en Valença para realizar un percorrido de 7 quilómetros.

Este ciclo de andainas, que forma parte do calendario deportivo da Eurocidade, consolídase como unha proposta transfronteiriza que combina actividade física, posta en valor do patrimonio natural e histórico tanto de Tui coma de Valença.

As persoas que están a realizar o Camiño Portugués dende Caminha a Santiago organizado pola Eurocidade Tui-Valença completaron hoxe a segunda etapa deste percorrido pola vía xacobea. 

Tras realizar onte os 19 quilómetros da etapa correspondente a Caminha – Vila Nova de Cerveira, esta mañá iniciaron o Camiño neste último municipio para achegarse ata Valença e  Tui. A primeira hora desta tarde foron recibidos na praza de San Fernando polo alcalde de Tui, Enrique Cabaleiro, a concelleira de Turismo, Ana Núñez, e o vareador de Desporto de Valença, Arlindo Sousa.. 

A Eurocidade Tui- Valença acollerá o próximo martes 8 de abril a 20ª edición da iniciativa “As prazas de Europa”, impulsada pola Comisión Europea, en colaboración co Concello de Tui, a Cámara de Valença e Galicia Suroeste.  Esta actividade terá lugar no Paseo da Corredoira en horario de 18 a 20 h, ou en caso de choiva no espazo sociocultural da rúa Camilo José Cela.

A Eurocidade Tui-Valença promociónase  até este domingo na BTL, Bolsa de Turismo de Lisboa, cita destacada no eido turístico en Portugal. Até a capital lusa desprazáronse a concelleira de Turismo de Tui, Ana Núñez, e a vicepresidenta da Cámara de Valença, Ana Paula Xabier,  así coma persoas técnicas en Turismo dos dous municipios.