O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Unha trintena de actividades de até 19 modalidades deportivas conforman o Calendario Deportivo da Eurocidade Tui-Valença para este ano 2018, no que se inclúen varias novidades.
Mañá xoves, 8 de febreiro, ás 12.00 horas españolas, no anfiteatro da Escola Superior de Ciencias Empresarias de Valença, terá lugar a presentación do Calendario Deportivo da Eurocidade, que neste ano 2018, albergará máis de trinta eventos deportivos, de ata dezanove modalidades deportivas.
O Club Piragüismo Penedo, que acadou a vitoria na Taça Ibérica de Slalom celebrada en Covas (Portugal), a pasada fin de semana, organizará e participará na II Copa Galega de Slalom Olímpico, que se disputará este domingo, 4 de febreiro, no río Tea, a seu paso por Alxén, Salvaterra do Miño.
Un centenar de padeeiros de todo o territorio galego participarán nesta proba organizada polo club Penedo en colaboración coa Federación Galega de Piragüismo, e os concellos de Tui, Salceda de Caselas e Salvaterra do Miño.
O Club Xadrez Tui, que na pasada tempada acadou o ascenso a División de Honra, competirá este sábado 3 de febreiro, na segunda xornada da liga, a partir das 17.00 horas, nas instalacións do Club Náutico San Telmo.
O equipo, que na primeira xornada acadou un contundente 5-1, contra o Club Círculo Chantadino Xadrez Dragan Paunovic, en Chantada (Lugo), tentará repetir triunfo ante o Club Círculo de las Artes, tamén de Lugo.
Tui será o punto de partida do proxecto de Peregrinaxe a Remo que esta tarde foi presentado na casa do concello polo alcalde de Tui, Carlos Vázquez Padín, o concelleiro de Deportes, Andrés Urseira, o promotor do proxecto Rodrigo Arbones, o deseñador de barcos en kit, Alec Jordan, xunto a representantes dos clubs de Remo de Tui, Bueu e Cangas.
Este domingo, 21 de xaneiro, o pavillón do IES San Paio de Tui, será sede da primeira das dúas probas do Circuíto Galego de Bádminton que se celebrarán en Tui, organizada polo Club Bádminton Tui, en colaboración co Concello de Tui e a Federación Galega de Bádminton.
Dende as 10.00 horas, a competición se dividirá en dúas categorías, Sub11 e Sub17, participando os xogadores e as xogadoras tanto en formato individual, como en mixto.
A segunda proba que se disputará no Concello de Tui será o sábado 10 de febreiro, sendo ambas probas puntuables para o ranking nacional.
Mañá, mércores 17 de xaneiro de 2018, ás 17 horas terá lugar na sala de concelleiros da Casa do Concello de Tui a presentación do proxecto “Peregrinaxe Marítima a Remo”. Trátase dunha iniciativa co obxectivo de crear unha flota de barcos coas que realizar a viaxe a remo seguindo no posible o Camiño pola Costa, dende as Rías Baixas ata Padrón.
Estarán presentes Carlos Vázquez Padín, alcalde de Tui, e Andrés Urseira González, concelleiro de Turismo e Deportes do Concello de Tui, xunto a Alec Jordan, promotor do proxecto.
Esta mañá tivo lugar na sala de concelleiros de Tui a presentación da XIV Regata Internacional Copa presidente da Deputación e 38º Regata Miño Internacional. O evento celebrarase o domingo 14 de xaneiro e sairá dende Currás, Tomiño, para chegar ás instalacións do Club Remo do Miño en Tui.
Na presentación interviron Carlos Vázquez Padín, alcalde de Tui; Andrés Urseira González, concelleiro de Deportes; José Luís Méndez García, presidente do Club Remo do Miño; así como José Prada Álvarez e Manuel Ángel González, vicepresidente e delegado do mesmo.
Mañá venres, 12 de xaneiro, ás 11 horas, na sala de concelleiros de Tui, terá lugar a presentación da XIV Regata Internacional Copa presidente da Deputación, 38º Regata Miño Internacional. O evento celebrarase o domingo 14 de xaneiro e sairá dende Currás, Tomiño, para chegar ás instalacións do Club Remo do Miño en Tui.
Estarán presentes Carlos Vázquez Padín, alcalde de Tui; Andrés Urseira González, concelleiro de Deportes; José Luís Méndez García, presidente do Club Remo do Miño; así como José Prada Álvarez e Manuel Ángel González, vicepresidente e delegado do mesmo.
