Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

Este sábado celébrase a Andaina Histórica de Tui

Undefined

Dentro do calendario de Andainas e Caminhadas Saudables da Eurocidade Tui-Valença este sábado celebrarase a Andaina Histórica de Tui. Da man do club AndaTui sairá ás 20.30 h dende a praza da Inmaculada para realizar un percorrido doado de 3 quilómetros, guiado polo historiador Suso Vila, percorrendo as antigas portas de entrada a cidade.  Rematará na Alameda de San Domingos para degustar unha chocolatada con rosca, e o bruxo Gabi realizará unha queimada. 

Música no Claustro, Sons na rúa, Festival de Bandas e Festa do Miño citas en agosto en Tui

Undefined

Música, cinema e gastronomía centran a programación de “Tui, verán na rúa” durante o mes de agosto.

Así a programación de agosto ábrese co festival Música no Claustro, dirixido por Samuel Diz, que se celebra dende mañá martes e até o luns día 7 co lema de “Concéntricas”.

1.200 mozos e mozas de Xetafe preparan en Tui a Xornada Mundial da Xuventude

Undefined

Un total de 1.200 mozos e mozas da diocese de Xetafe están até o próximo luns en Tui preparando a súa participación na Xornada Mundial da Xuventude a próxima semana en Lisboa.  Os dous pavillóns municipais, xunto ao pavillón do CEIP nº2 e do IES San Paio e as instalacións do Colexio Maristas Santa María serven de aloxamento e centros de actividades.

Renovada a iluminación do campo de fútbol de Guillarei con tecnoloxía led

Undefined

O Campo Municipal de Fútbol “A Gándara” de Guillarei conta con novo sistema de iluminación. O Concello de Tui vén de investir 4.500 € de fondos propios para a renovación das torretas de iluminación e o cambio a tecnoloxía led das luminarias.

Deste xeito o Concello de Tui segue apostando pola mellora das instalacións deportivas municipais para que reúnan as condicións máis axeitadas para a práctica deportiva.

Mañá venres remata a primeira quenda do campamento de verán Igual É +

Undefined

A primeira quenda do campamento de verán Igual É +, 2023 organizado polo Concello de Tui a través das concellerías de Deportes e Igualdade, remata mañá venres día 14.

O alcalde, Enrique Cabaleiro, e a concelleira de Igualdade, Ana María Núñez, compartiron hoxe uns minutos cos nenos e nenas interesándose polas actividades que realizaron estes días e entregándolles unhas camisetas de agasallo.

O 22 Concurso de Patrullas da Brilat entre Tui e Santiago partirá mañá da Corredoira

Undefined

Un total de 216 militares participarán na vixésimo segunda edición do Concurso de Patrullas da Brilat que partirá mañá mércores ás 8.45 h dende o Paseo da Corredoira, en Tui.  Nela, os e as militares de cada patrulla poñerán a proba a súa capacidade de sacrificio, a súa habilidade e a súa resiliencia.

Máis de 500 nenos e nenas participan este ano no Campamento de Verán Igual É + 2023

Undefined

Un total de 560 nenos e nenas, con idades entre os 3 e os 12 anos, participarán no Campamento de Verán Igual É + 2023 organizado polo Concello de Tui a través das concellerías de Deportes e Igualdade. O obxectivo é facilitar a conciliación familiar durante a época estival ao tempo que brindar aos nenos e nenas unha actividade de lecer durante as vacacións. 

Tui alberga este domingo o IX Campionato Ibérico de Kung Fu tradicional e moderno

Undefined

Este domingo, o pavillón municipal Gustavo Rodríguez de Tui acollerá a novena edición do Campionato Ibérico de Kung Fu en modalidade tradicional e moderna. A proba, que arrincará ás 10.30h da mañá e terá entrada de balde, está organizada polo club Ximnasia e Auga Di Som de Tui e a Federación Galega de Kung Fu en colaboración co Concello de Tui, a Eurocidade Tui-Valença e a Xunta de Galicia.

Mañá sábado abre ao público a piscina municipal

Undefined

Mañá sábado, 17 de xuño, abrirá ao público a piscina municipal de Tui. O seu horario será de luns a venres de 13.30  a 20.30 h e os sábados, domingos e festivos de 12.30 a 20.30 h.

O prezo da entrada mantense no mesmo importe que en anos anteriores sendo de 2€ para as persoas adultas, e de 1,5€ para os nenos e nenas de 4 a 14 anos, e para as persoas xubiladas. Establécense amais bonos de 30 baños por importe de 40€ para adultos e de 35€ para público infantil e xubilado.

 

Piscina Municipal de Tui

Horario:

A Aloiada 2023 volverá a unir o Galiñeiro, o Monte Aloia e o Río Miño

Undefined

Máis de 120 alumnos e alumnas dos centros educativos de Tui van participar este xoves 15 e venres 16 de xuño na Aloiada 2023.

En concreto participará nesta actividade o alumnado de 6º de Primaria do CEIP Nº1, CEIP Nº2, CEIP de Pazos de Reis, CEIP de Guillarei, CEIP de Rebordáns e CEIP de Caldelas. A Aloiada 2023 está organizada polos propios colexios en colaboración co Concello de Tui. Nestas dúas xornadas os e as participantes realizarán diferentes actividades no entorno natural dos montes Galiñeiro e Aloia, así como no río Miño.

Pages

Subscribe to RSS - Deportes