Facebook Twitter Vimeo Instagram Youtube

O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.

Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.

A XLIII Regata Miño Internacional reúne a 27 barcos galegos e portugueses de 4x e 8+ este sábado en Tui

Undefined

Un total de 27 embarcacións, de 4x e 8+, de 14 clubs galegos e portugueses participarán este sábado na XLIII Regata Miño Internacional. A proba está organizada polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.

Presentación da XLIII Regata Miño Internacional

Undefined

Mañá xoves, 18 de xaneiro, ás 11.30 horas, no salón de plenos do concello de Tui, terá lugar a presentación da XLIII Regata Miño Internacional, que se celebrará no río Miño, este sábado 20 de xaneiro, organizado polo Club Remo do Miño, en colaboración co Concello de Tui, co Deporte Galego da Xunta de Galicia, coa Deputación de Pontevedra e coa Federación Galega de Remo.

A San Silvestre Solidaria de Tui reunirá este domingo a 1.200 persoas

Undefined

A II San Silvestre Solidaria de Tui bate récord de participación e reunirá este domingo a 1.200 persoas nunha proba de carácter festivo e solidario. Duplícase a participación rexistrada o ano pasado na primeira edición nun evento que está chamado a consolidarse no calendario anual de probas tudenses ante a gran acollida que tivo en só dúas edicións.

O luns preséntase a 2ª San Silvestre Solidaria Tudense

Undefined

O próximo luns, 18 de decembro, ás 11.00 horas, no salón de plenos do Concello de Tui, terá lugar a presentación da 2ª San Silvestre Solidaria Tudense, organizada polo Concello de Tui e o Club Atletismo Tui, coa colaboración da Policía Local, Protección Civil de Tui e a Radio Municipal de Tui, en beneficio da Asociación Española Contra o Cancro. A San  Silvestre celebrarase o domingo 31 de decembro, a partir das 10.30 horas, dende o Paseo da Corredoira de Tui.

Estase a executar a construción de vestiarios no pavillón municipal de Guillarei

Undefined

O Concello de Tui continúa a traballar para mellorar as instalacións deportivas municipais e que estas conten coas condicións idóneas para a práctica deportiva. Nestes momentos está a executar obras de reforma e ampliación no pavillón deportivo en Guillarei para a instalación de vestiarios que suporán un investimento de 133.062,96€.

En concreto os vestiarios execútanse de forma lonxitudinal na fachada sur de forma adosada ao edificio. A obra conta cun prazo de execución de 6 meses.

O Concello de Tui está a executar a renovación do pavimento de madeira exterior do Centro Interfederado de Remo e Piragüismo

Undefined

O Concello de Tui de Tui está a executar a obra de renovación do pavimento de madeira exterior do Centro Interfederado de Remo e Piragüismo de Tui. A madeira existente foise deteriorando co paso dos anos o que supuña un risco para a seguridade, polo que se vai proceder a súa substitución por pavimento de madeira técnica.

Cristina Soutelo, María León e Pedro Vázquez recibiron onte o Premio Deportista Tudense

Undefined

A padeeira Cristina Soutelo, a futbolista María León, e o padeeiro Pedro Vázquez Llenín recibiron onte á noite o Premio Deportista Tudense na categoría absoluta na Gala do Deporte celebrada no Teatro Municipal de Tui. Un evento no que se recoñeceu os éxitos do deporte tudense e se puxo en valor o patrimonio natural do municipio, que constitúe un magnífico escenario para a práctica deportiva tanto a nivel afeccionado coma profesional.

Mañá entréganse os Premios Deporte Tudense 2023

Undefined

O deporte tudense celebrará a súa festa anual mañá venres, 1 de decembro, ás 20.30 h no Teatro Municipal, coa Gala do Deporte Tudense na que se entregarán os Premios Deporte Tudense 2023 nas distintas categorías deportistas promesa feminina e masculina, deportistas veterana feminina e masculina, deportista sénior feminina e masculina, adestrador, club deportivo e club deportivo de base, firma comercial, deporte adaptado e mención especial.

Pages

Subscribe to RSS - Deportes