O próximo luns, 16 de outubro, ás 11h na aula CeMIT, no primeiro andar da Área Panorámica terá lugar a presentación da nova web municipal. Comparecerán ante os medios de comunicación o alcalde, Enrique Cabaleiro, e o concelleiro de Novas Tecnoloxías, Laureano Alonso.

.  Esta mañá foi presentado na sala de reunións do Concello de Tui o Festival de Outono de Corais, que se celebrará o vindeiro mércores, 11 de outubro, ás 20h no Teatro Municipal de Tui no edificio da Área Panorámica.

Mañá, venres 6 de outubro, ás 11h na sala de reunións do Concello de Tui terá lugar a presentación do Festival de Outono de Corais de Tui, que se celebra o vindeiro mércores, 11 de outubro.

A presentación correrá a cargo de Enrique Cabaleiro, alcalde; Mª José González, concelleira de Ensino; José Manuel Martínez González, presidente da Coral Centro Social; Vicente Álvarez Fernández, tesoureiro da Coral San Telmo; e Marta Rodríguez, presidenta da Coral Ponte das Febres.

A corporación municipal de Tui celebrará este xoves, 28 de setembro, ás 20h pleno de carácter ordinario con 16 puntos a orde do día. Estes son os asuntos a tratar:

1. Parte resolutiva:

1º.- Aprobación, se procede, de borrador da acta da sesión anterior ordinaria nº7, de 27 de xullo.

2º.- Toma de posesión de Dona María Jesús Da Silva Fernández á vista da Credencial remitida pola Xunta Electoral Central.

O Centro de Interpretación do Camiño, situado no antigo Convento de San Domingos, será o escenario este sábado, 30 de setembro, do Forum Peregrino “Os Camiños de Santiago en Galicia”, organizado por Iacobus Tui e Baixo Miño, o Concello de Tui e a Deputación de Pontevedra.

A senda da Pedra Santa, cunha lonxitude de 9.995 metros, súmase á rede de sendeiros cos que conta o concello de Tui debidamente sinalizados e identificados. O Concello de Tui vén de colocar nos últimos días os carteis explicativos do percorrido e de limpar un pequeno tramo do mesmo logo de que o club AndaTui levase a cabo a súa sinalización en branco e verde, por tratarse dunha senda local de menos de 10 quilómetros de acordo as marcas federativas.  

A mellora de infraestruturas coma instalacións municipais e viais, o embelecemento da cidade, e a recuperación do patrimonio  centran os proxectos que o concello de Tui está a executar con cargo ao Plan Concellos 2017, do que recibe un millón de euros da Deputación de Pontevedra.

A Xunta Local de Goberno do Concello de Tui aprobou onte provisionalmente o Plan Especial de Protección do Conxunto Histórico Artístico de Tui, PEPCHA.