Sheila, Xoán, Elisa, Gabriel, Mara, Lorena, Carlos, Eva, Mara, Diego, David, Elena, Javier,.. foron parte dos nenos e nenas que esta mañá protagonizaron o primeiro pleno infantil celebrado no Concello de Tui coincidindo coa conmemoración este domingo, 20 de novembro, do Día Mundial dos Dereitos da Infancia. Unha sesión plenaria especial coa que amais o Concello de Tui abre un proceso de participación infantil e adolescente que hoxe neste pleno foi tamén refrendado por unanimidade.

Dar voz ás preocupacións, inquedanzas e propostas da poboación máis nova do municipio, nenos, nenas e adolescentes, é o obxectivo do proceso de dinamización da participación infantil que vén de pór en marcha o Concello de Tui. A medio prazo buscarase poder chegar á declaración de Tui coma cidade amiga da infancia pola UNICEF.

Mañá mércores, 26 de outubro, ás 12.30 horas, na sala de concelleiros da casa do concello de Tui, terá lugar a presentación do Cross Escolar do Baixo Miño, organizado pola Agrupación Deportiva do Baixo Miño (AGRUDEBAM), en colaboración co servizo de Deportes da Secretaría Xeral para o Deporte da Xunta de Galicia, co Concello de Tui e coa Agrupación de Voluntarios de Protección Civil de Tui. Aínda que estaba previsto para esta semana, debido ás previsións de choiva, adíase para o xoves 3 e venres 4 de novembro, en horario lectivo, na ribeira de Caldelas de Tui.

Até o 16 de novembro está aberto o prazo para solicitar as bolsas de estudos para ensinanzas musicais do curso 2021/22. No BOPPO número 199 do pasado martes, 18 de outubro de 2022, publicouse extracto do acto do acordo do 7 de outubro de 2022 da Xunta de Goberno Local, pola que se convocan as bolsas e se aproba as Bases Particulares Reguladoras da convocatoria de Becas de Estudio para Ensinanzas Musicais no Conservatorio Profesional e na Escola de Música de Tui. 

Mañá comeza unha nova temporada do programa Cine nas Aulas, na que participará un total de 166 alumnos e alumnas e 8 profesores e profesoras de 5º e 6º de Primaria. Os centros convidados nesta primeira proxección son o CEIP de Pazos de Reis, o CEIP Nº2 e o Colexio Maristas Santa María.

Con esta película traballarase cos mozos e mozas sobre a comprensión e análise do propio filme, sobre os medos racionais e irracionais, as emocións, o autocoñecemento e sobre unha alimentación saudable.

O CEIP de Pazos de Reis ten sido obxecto tamén ao longo das últimas semanas de diversas obras de mellora dentro das actuacións que o concello de Tui está a realizar nos centros educativos con fondos propios.

As obras executadas neste centro de Pazos de Reis este verán consistiron no acondicionamento do patio dianteiro, con zona axardinada, e bancadas para o horto escolar. Tamén se procedeu ao pintado de varandas, lixado e pintado de enreixados, e adecuación do patio de xogos traseiro con soleira de formigón e construción de escaleiras exteriores.

O Concello de Tui está a realizar nestes meses de vacacións escolares diversas obras de mantemento e mellora nos distintos centros educativos de Tui, entre eles tamén as aulas do Colexio Rural Agrupado Mestra Clara Torres.

En concreto, con fondos propios, procedeuse á substitución de toda a carpintería de aluminio e ao pintado da aula.

Dous centros educativos de Tui o CEIP de Caldelas e o CEIP de Randufe estrearán no curso escolar 2022/23 que está a piques de comezar novas instalación para o comedor escolar. O Concello de Tui investiu durante este verán preto de 50 mil euros nestes centros para acondicionar os espazos precisos para poder ofertar este servizo que cada vez é máis demando polas familias.

O Concello de Tui está a realizar nestes meses de vacacións escolares diversas obras de mantemento e mellora nos centros educativos do municipio con cargo a fondos propios. Nos últimos días veñen de rematar os traballos para dotar ao CEIP nº2, situado na Avenida da Concordia, dun patio cuberto, dando así satisfacción a unha vella demanda da comunidade educativa.

O Concello de Tui editou, no pasado ano, un caderno didáctico e un mapa para conmemorar o 555 aniversario do paso por Tui de León de Rosmithal camiño de Santiago de Compostela. Foi en 1.466 cando o nobre León de Rosmithal pasou por Tui, xunto a súa ampla comitiva, tanto na viaxe de ida coma de volta da súa peregrinación á tumba do apóstolo Santiago en Compostela.