O Concello de Tui, ten abertos dous procesos para o nomeamento interino dun operario de mantemento a tempo de un operario de servizos diversos a tempo parcial, vinculados o programa de execución temporal "Apertura das piscinas municipais tempada verán 2023". A data de realización do exame será o día 11/07/2023 as 09:00 horas exame do proceso do operario de servizos diversos a tempo parcial e as 10:00 horas o exame do proceso de operario de mantemento a tempo completo.

Cecilia Portela, María Cristina Alves, Javier Argüelles e Gema María Fernández son as catro persoas emprendedoras de Tui que participaron dende o mes de abril no primeiro coworking multisede da Deputación de Pontevedra e da Escola de Organización Industrial (EOI), que se desenvolveu en Tui, Vigo e Silleda.

Tui acollerá a partir do mes de outubro un curso de Auxiliar de Almacén con prácticas en empresas froito da colaboración entre o Concello de Tui e a Fundación Érguete-Integración dentro do Programa Emprego Inclusivo financiado pola Deputación de Pontevedra.

Por primeira vez en quince anos, o número de persoas desempregadas en Tui descendeu por baixo da barreira das 1000, segundo os datos correspondentes ao mes de maio de 2023. En concreto o paro situouse nas 989 persoas o mes pasado, diminuíndo en 98 persoas con respecto a abril. Esta notable redución no desemprego reflicte os esforzos continuos do Concello de Tui para mellorar a empregabilidade dos seus habitantes.

O Programa Integrado de Emprego do Concello de Tui acadou xa o 46% de insercións laborais entre as 100 persoas participantes nos cinco primeiros meses de actividade. Supérase así xa o obxectivo fixado do 45% de inserción ao remate do programa previsto para dentro de seis meses. 

Corenta e unha das cen persoas que están a participar no Programa Integrado de Emprego do Concello de Tui lograron a súa inserción laboral dende o mes de xaneiro.

Deste total, once persoas usuarias do Programa Integrado de Emprego e do Servizo de Orientación Laboral do Concello de Tui veñen de ser contratadas pola empresa PEPCO para a nova tenda que abriu hoxe no municipio.  

O Concello de Tui ven de contratar a 17 persoas a través do Plan Concellos para a activación do emprego da Deputación Provincial de Pontevedra 2023. 

En concreto 14  persoas foron contratadas coma peóns de horticultura e xardinería por un período de 6 meses, unha persoa coma oficial segunda carpinteiro e outra coma oficial segunda fontaneiro, ambos por un período de 9,5  meses, e por último unha auxiliar administrativo para o departamento de Cultura durante 6 meses.

O Centro Municipal de Formación, en Guillarei, acolle hoxe luns o proceso de selección do persoal para a nova tenda da empresa PEPCO en Tui. En concreto a cadea internacional de orixe polaca abrirá un novo establecemento de case 800 metros cadrados no Centro Comercial Outlet en Tui logo da Semana Santa.

Finalizado o prazo de presentación de alegacións, mediante Resolución da Concellería de persoal de data 24/03/2023 se aproba a lista definitiva, se nomea o tribunal e se estipula a data de constitución do tribunal e de realización da primeira proba do proceso selectivo.

Será o vindeiro venres día 31/03/2023 as 10:00 horas no edificio Francisco Sánchez (antiga Área Panóramica) sita na rúa Colón nº 2 36700 Tui.

O Concello de Tui entregou esta mañá unha serie de recoñecementos ás empresas e entidades colaboradoras  co emprego local en moi diversos ámbitos dende o institucional, asociativo e empresarial. Deste xeito quíxose plasmar o agradecemento do Concello de Tui con todos e todas cantos contribúen a mellorar a empregabilidade das persoas.  Foi no transcurso da xornada “Xuntos polo emprego” celebrada na Sala Félix Rodríguez, no edificio Francisco Sánchez.