Tui será o punto de partida do Camiño de Santiago en kaiak de mar. Do 18 ao 21 de abril realizarase unha experiencia piloto e a continuación as rutas poranse en marcha de forma estable até outubro, sempre que as condicións do tempo o permitan.  

O alcalde, Carlos Vázquez Padín, presentou este mediodía esta iniciativa xunto a Alberto Rocha, promotor da mesma, e Antonio Paz, presidente da Asociación Galega de Kaiak de Mar.

O alcalde de Tui, Carlos Vázquez Padín, amosa o seu malestar pola lamentable situación da antiga oficina da Garda Civil da aduana na vella Ponte Internacional de Tui.

Mañá, 19 de marzo, cúmprense 3 anos dende que un vehículo de matrícula española, sufrira un accidente na madrugada dese día no que quedaba seriamente danada a porta e a estrutura de madeira  da oficina que a Garda Civil tiña na vella Ponte Internacional de Tui.

Hoxe luns, 18 de marzo, ás 12 h na casa do concello terá lugar a presentación do Camiño de Santiago en kaiak de mar que se vai realizar o 18, 19, 20 e 21 de abril, con saída dende Tui.

Comparecerán ante os medios comunicación o alcalde, Carlos Vázquez Padín, xunto a responsables desta iniciativa.

Centrar e documentar os procesos de urbanismo actuando no ámbito normativo, nos sistemas de información, nos recursos humanos, e a organización e funcionamento do servizo é o obxectivo da proposta de Diagnóstico e Plan de Mellora do departamento de Urbanismo presentada pola empresa EOSA, que hoxe foi dada a coñecer polo alcalde, Carlos Vázquez Padín, e o representante da empresa EOSA, Manuel Veloso.

Mañá venres, 15 de marzo, ás 10.00h,  na sala de reunións do Concello de Tui presentarase en que consiste o Diagnóstico e Plan de Mellora do departamento de Urbanismo por parte da empresa ofertante, EOSA.

Comparecerán ante os medios do comunicación o alcalde, Carlos Vázquez Padín, e o representante da empresa EOSA, Manuel Veloso.

O equipo de goberno do Concello de Tui continúa coas xuntanzas cos veciños das parroquias para coñecer de primeira man as súas necesidades. Esta semana vanse reunir o venres, ás 20.30h na Casa Cultural de Pexegueiro, e o sábado, a mesma hora, na Casa Cultural de Guillarei.

Nas últimas semanas o equipo de goberno mantivo encontros cos veciños das parroquias de Malvas, Pazos de Reis, Areas, Paramos, Rebordáns, Ribadelouro, Caldelas e Randufe.

Na mañá de onte o alcalde de Tui, Carlos Vázquez Padín, xunto co arquitecto, Leandro Nogueira e  o director técnico do Kaiak Tudense – Axuda Paramos, Esteban Alonso, mantiveron unha reunión en Pontevedra coa xefa do departamento de Medio Ambiente da Xunta de Galicia, Susana Ribadulla, co obxectivo de avanzar na tramitación das autorizacións necesarias para executar as obras de reforma do Centro Municipal de Piragüismo.

Tui acollerá o venres, 7 de xuño, a sétima edición de “No bico un cantar” que congregará un coro de cincocentos nenos e nenas pertencentes a conservatorios profesionais e escolas de música de Galicia e o norte de Portugal.

Do luns 11 de marzo ao luns 18 de marzo estará exposto o Censo Electoral para as eleccións xerais que se celebrarán o 28 de abril de 2019.  O censo poderá consultarse nestas datas - ambas incluídas - de 9 a 14 h na Oficina de Empadroamento da Casa do Concello. Os electores do concello poderán consultar as listas e de ser o caso realizar as oportunas reclamacións. 

Bando Alcaldía

Mañá venres, 8 de marzo, ás 11.30h, na sala de reunións da casa do concello terá lugar a presentación do inicio da redacción dunha nova Relación de Postos de Traballo, RPT, do Concello de Tui.

Comparecerán ante os medios de comunicación o alcalde de Tui, Carlos Vázquez Padín, a concelleira de Emprego, Mila González, e representantes da empresa adxudicataria dos traballos.