Tui acollerá do mércores 3 ao domingo 7 de abril o XV Festival Internacional de Documentais de Tui, Play Doc. Está mañá tivo lugar a presentación oficial do festival a cargo do alcalde de Tui, Carlos Vázquez Padín, xunto a  Jacobo Sutil, director de Agadic, Axencia Galega de Industriais Culturais da Xunta de Galicia, Ángel Sánchez, codirector do festival, e Beli Martínez, responsable da programación de cinema galego de Play Doc.

O Concello de Tui súmase un ano máis á celebración da Hora do Planeta promovida por WWF. Trátase dunha iniciativa posta en marcha en desenvolve esta ONG co obxectivo de loitar contra o cambio climático e perda da natureza.    Así coa Hora do Planeta WWF pretende volver mobilizar neste 2019 a máis de 7 mil cidades do mundo para demostrar o seu apoio global á acción contra o cambio climático e en favor da natureza apagando as luces dos seus principais edificios e monumentos.

Dúas novas traballadoras véñense de incorporar ao departamento de Servizos Sociais do Concello de Tui. O alcalde, Carlos Vázquez Padín, a concelleira de Emprego, Mila González, e a concelleira de Servizos Sociais, Estrella Muradás, deron hoxe á benvida á nova traballadora Social, Luz Mª Vázquez Macías, e á nova auxiliar administrativa, Mª Jesús Lorenzo.

Mañá xoves, 28 de marzo, ás 11.30 h na sala de prensa no primeiro andar da Área Panorámica terá lugar a presentación do XV Festival Internacional de Documentais de Tui, Play Doc, que se vai celebrar na cidade do mércores 3 ao domingo 7 de abril.

Nas próximas semanas o Concello de Tui contará cunha información detallada sobre cada cadro de mando e punto de luz do alumeado público e cunha serie de propostas para actuar sobre o mesmo na busca dunha maior eficiencia enerxética, cumprimento da normativa e redución da contaminación lumínica. Este será o resultado a auditoría que está a realizar a empresa 4Es, European Energy Efficiency Engineering, S.L., cun prazo de execución de 8 semanas e un investimento de 9.950€ máis IVE.

O alcalde, Carlos Vázquez Padín, o concelleiro de Seguridade, Antonio Castro, e a concelleira de Emprego, Mila González, déronlle hoxe  a benvida a tres novos membros da Policía Local de Tui.  Foron seleccionados pola Academia Galega de Seguridade Pública, AGASP, e previa a súa incorporación en Tui terá que continuar a súa formación na Academia. No verán realizarán xa prácticas no Concello, e completarán a súa formación de novo na AGASP.

Hoxe luns, 25 de marzo, ás 12 h na sala de reunións da casa do concello de Tui terá lugar a presentación da realización dunha auditoría enerxética do alumeado público do municipio Tui.  

Comparecerán ante os medios de comunicación o alcalde de Tui, Carlos Vázquez Padín, xunto a representantes da empresa European Energy Efficiency Engineering, S.L. que realizará este traballo.

Do 5 ao 29 de abril celebrarase en Tui a Festa do Meixón que dende este ano contará cun selo distintivo, creado pola deseñadora tudense Marta Fontán. No mesmo recóllese de xeito esquemático os elementos patrimoniais e naturais da cidade, así como unha referencia ao río Miño, aos pescadores de Meixón  o escudo de Tui e de Valença. O selo ilustrará tanto os carteis, coma as cazolas e os establecementos participantes na festa. Co mesmo búscase dotar dunha imaxe corporativa a este evento, cunha imaxe atemporal que poderá ser empregada en todas as edicións.

Mañá venres, 22 de marzo, Día Mundial da Auga, o Consorcio de Augas do Louro presenta dúas accións de divulgación, educación e concienciación cidadá acerca da importancia do coidado da auga.

A primeira dirixida ós máis cativos é o IV Concurso de Debuxo, no que coma noutros anos os alumnos de 3º e 4º de Primaria dos catro Concellos consorciados poderán plasmar a súa creatividade baixo o lema “Investigadores da auga”.

Este sábado, 23 de marzo, ás 12 h no salón de sesións da Casa do Concello terá lugar a  imposición da medalla de bronce da cidade a D. Gerardo Calvo Moreno,  xefe da Compañía da Garda Civil de Tui. Foi concedida por acordo plenario da corporación municipal en sesión celebrada o día 27 de decembro de 2018.