Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Tui consolídase como o segundo lugar escollido polos peregrinos e peregrinas para iniciar a súa peregrinación a Santiago de Compostela. Así no pasado mes de agosto un total de 8.405 peregrinos comezou na nosa cidade o seu itinerario xacobeo. Unicamente Sarria, no Camiño Francés, supera a Tui con 25.639 persoas que iniciaron nesta vila lucense o seu percorrido.
Tui afondará na súa rica historia e patrimonio coa celebración do “Setembro xudeu”, unha oferta de actividades que resaltan o papel histórico da cidade e o seu patrimonio vinculado coa presenza dunha comunidade xudía e criptoxudía ao longo de varios séculos.
Ao longo deste mes de setembro ata doce propostas afondarán no coñecemento deste acervo histórico: visitas guiadas, música, gastronomía, películas, un programa semanal na Radio Municipal de Tui e outras actividades achegaran aos participantes a esta ampla oferta de carácter cultural e turístico.
O Concello de Tui é un dos 21 municipios da Red de Juderías de España que se suma ao proxecto Phygital. No marco do programa “Experiencias Turismo España”, xestionado pola Secretaría de Estado de Turismo do Ministerio de Industria, Comercio e Turismo, A Red de Juderías está a desenvolver este proxecto “Phygital. Localización, comunicación e propostas. Experiencias en tempo real”, unha iniciativa que une tecnoloxía avanzada, estratexias de comunicación e unha firme vocación patrimonia.
Miles de persoas gozaron da fin de semana festiva en Tui. A gastronomía conquistou o sábado á noite o padal de miles de comensais con produtos típicos da nosa cociña con empanadas variadas, tortillas, bocadillos, e outras propostas, e onde non faltaron as sobremesas con tartas variadas, onde non faltaron as clásicas de améndoa, mazá ou tres chocolates, filloas recheas ou bica.
O próximo martes, 19 de agosto, finaliza o ciclo de visitas guiadas que ven organizando o Instituto de Estudios Tudenses, coa colaboración do Concello de Tui, ao longo dos meses de xullo e agosto baixo o titulo de “Coñece o noso patrimonio”. Será coa visita á igrexa tudense de San Telmo, un dos referentes do conxunto histórico tudense tanto polo seu valor monumental como pola súa dimensión inmaterial vinculada ao culto e devoción a san Telmo, patrón da cidade.
Máis dun centenar de persoas participou onte martes na visita “A escultura románica e gótica na catedral de Tui”, do programa “Coñece o noso patrimonio” organizado polo Instituto de Estudos Tudenses, coa colaboración do Concello de Tui.
A investigadora tudense Marta Cendón, profesora da USC e presidenta do Instituto de Estudos Tudenses, guiou un percorrido polo templo catedralicio, profundando na historia de Tui e da catedral ao longo dos séculos. Todo dende unha visión escultórica, facendo fincapé nos seus elementos románicos e góticos.
O próximo martes, 12 de agosto, a partir das 20.30 h terá lugar unha nova visita do ciclo “Coñece o noso patrimonio” que organiza o Instituto de Estudios Tudenses coa colaboración do Concello de Tui.
O próximo martes, 29 de xullo, continúa o ciclo de visitas guiadas organizadas polo Instituto de Estudios Tudenses coa colaboración do Concello de Tui no mes de xullo e agosto, baixo o titulo de “Coñece o noso patrimonio”. Nesta ocasión será unha visita guiada ao mosteiro de Sanfins, en Friestas, en Valença, que comezará ás 20 h ES.
Onte mércores, 23 de xullo, estivo na nosa cidade Marie Vandeplassche da equipa de Relacións Gobernamentais de TUI Group, o principal touroperador turístico europeo para manter unha xuntanza co alcalde tudense, Enrique Cabaleiro González, e a concelleira de turismo, Ana María Núñez Álvarez. Este encontro da continuidade ao que mantiveron o pasado mes de xaneiro os responsables municipais tudenses co CEO de Tui Group, Sebastian Ebel, en Fitur 2025.
Durante os dous últimos días, xoves e venres, o novo director-xerente da Red de Juderias de España – Caminos de Sefarad, Iñaki Echeveste, visitou a cidade de Tui coñecendo directamente o patrimonio xudeu e criptoxudeu que atesoura a nosa cidade, que forma parte dende o ano 2019 deste rede que integra na actualidade a 21 municipios de España.
