Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Dende hoxe mércores, 26 de febreiro, ábrese o prazo de solicitude para a instalación de atraccións de feira e outros postos no espazo coñecido como Recinto Feiral (sito na rúa Mártires de Sobredo), durante as festas patronais de San Telmo en Tui que se celebrarán entre os días 19 e 28 de abril de 2025.
Mañá mércores, 26 de febreiro, ás 19.30 h o espazo sociocultural da rúa Camilo José Cela acolle unha nova cita das Xornadas Rosendo Salvado. Será unha conferencia a cargo de Xoán M. Carreira e Maruxa Baliñas titulada “Salvado y la Sociedad Filarmónica de Perth”, na que afondará na actividade musical de Rosendo Salvado naquela cidade do occidente de Australia.
Mañá martes, 25 de febreiro, comezan as xornadas dedicadas á figura do egrexio tudense Rosendo Salvado que, dende hai catro anos organiza o Concello de Tui arredor do 1 de marzo en que se celebra o aniversario do seu nacemento na nosa cidade no ano 1814.
Esta primeira actividade consiste nunha conferencia a cargo de Valentín Carrera, escritor, xornalista, editor, blogueiro, autor de libros de viaxes e de ensaios e director da serie documental sobre Salvado realizada en catro episodios co titulo de “Rosendo Salvado: aventura e misión dun galego en Australia”.
As músicas e os músicos tudenses e da contorna reuniranse o próximo venres, 28 de febreiro, nunha Jam Session no novo espazo sociocultural da rúa Camilo José Cela. Nunha iniciativa conxunta do Concello de Tui, a través da concellería de Cultura, e a promotora local FB ProduXion.
Gran acollida á estrea do espectáculo “Transeúnte”, do bailarín e coreógrafo Daniel Rodríguez este venres no Teatro Municipal de Tui, onde se agarda un cheo absoluto.
“Transeúnte” é un espectáculo de danza contemporánea no que estarán en escena catro bailaríns —Daniel Rodríguez, Javier de la Asunción, Laura García, e Andrea Pérez— e dous músicos en directo —Aida Tarrío, de Tanxugueiras, e Artur Puga, de Mondra—.
Dende o próximo martes 25 de febreiro e até o sábado 1 de marzo o Concello de Tui organiza unha nova edición das Xornadas Rosendo Salvado dedicadas á reivindicación do excepcional legado que este egrexio tudense ten aportado ao longo da súa vida. Lembrando a data do seu nacemento o 1 de marzo de 1814 este ano celébrase cuarta edición destas xornadas que reunirán en Tui a diversos especialistas na vida e obra do beneditino tudense e fundador da abadía de Nova Nursia na Australia occidental.
Este próximo domingo, 23 de febreiro, é o Día de Rosalía. Por este motivo o Concello de Tui elaborou un programa de actividades con propostas infantís, poemas na rúa e degustación do Caldo de Gloria.
Mañá venres, 14 de febreiro, abre o prazo de inscrición no Desfile-Concurso de Entroido 2025 que se vai celebrar o próximo martes, 4 de marzo, festivo local en Tui.
Poderán participar grupos e comparsas que deberán presentar por sede electrónica a súa solicitude xunto coa documentación requirida até o próximo martes 18 de febreiro ás 14 h. As bases completas poden consultarse na web municipal tui.gal. O extracto das mesmas vén hoxe publicado no BOPPO. Poderán participar un máximo de 15 comparsas e 3 grupos, tendo preferencia aquelas con domicilio social en Tui.
Este venres, 14 de febreiro ás 19.30 h na Sala de Exposicións Municipal, no edificio Francisco Sánchez terá lugar a presentación do libro “Os Lobariñas Feixoo. Luz e memoria nos Séculos escuros” de Perfecto Ramos Rodríguez editado por Aira Editorial. O autor estará acompañado da profesora Helena Pousa Ortega.
Gregorio Lobariñas Feixoo é unha das figuras máis descoñecidas e atractivas da nosa historia cultural. Este inquisidor de Crecente escribiu As Galegadas, de a cabalo entre os séculos XVI e XVII, obra hoxe perdida, mais escrita en lingua galega en plenos Séculos Escuros.
A Eurocidade Tui-Valença celebra trece anos de cooperación transfronteiriza cun concerto a cargo de catro formacións das dúas beiras do Miño este sábado, ás 21 h, no Teatro Municipal de Tui.
Hoxe, 10 de febreiro, cúmprense 13 anos da sinatura do protocolo entre ambas cidades co que se materializou a creación da Eurocidade plasmando a nivel institucional as relacións que dende hai séculos manteñen as poboacións tudense e valenciana.
