O alcalde de Tui, Enrique Cabaleiro, amosou hoxe a súa satisfacción polo compromiso do goberno central para levar a cabo a remodelación da Avenida de Portugal dende a vella Ponte Internacional até o cruzamento co Parador de Turismo. Así llo confirmou a subdelegada do goberno en Pontevedra, Maica Larriba, na reunión que mantiveron este mediodía na casa do concello.  O alcalde lembrou que esta era unha vella demanda da cidade que fóra xa obxecto dunha moción plenaria en 2011 e que cando chegaron ao goberno en 2015 foi a primeira memoria valorada que realizaron.

O alcalde de Tui, Enrique Cabaleiro, e a concelleira de Ensino e Cultura, Sonsoles Vicente, recibiron hoxe ao alumnado do IES Indalecio Pérez Tizón que participou este curso no programa Erasmus +.  O vicedirector do centro Xosé Manoel Álvarez acompañou na visita á casa do concello aos alumnos e alumnas do ciclo de Comercio Cristina Míguez, Estefanía Lago e Hanns Heironimus e do de Electricidade Miguel das Dores e Cristian Zilmam. 

Mañá martes, 2 de xullo, ás 12 h na sala de reunións da casa do concello de Tui o alcalde, Enrique Cabaleiro, e a concelleira de Ensino e Cultura, Sonsoles Vicente, recibirán ao alumnado do IES Indalecio Pérez Tizón que participou este curso no programa Erasmus +.

Recepción Alumnado Erasmus + do IES Indalecio Pérez

• Martes, 2 de xullo, ás 12 h
• Na sala de reunións da casa do concello

Na mañá de hoxe o alcalde de Tui, Enrique Cabaleiro, visitou a Escola Infantil da Galiña Azul de Tui para coñecer de primeira man o resultado da obra realizada no parque exterior do centro. 

O Concello de Tui exerce este ano de delegado rexio na ofrenda a Xesús Sacramentado na Catedral de Tui en representación do Antigo Reino de Galicia. Neste 2019 cúmprense 350 anos da ofrenda a Xesús Sacramentado por parte do Antigo Reino de Galicia e que cada ano, de forma rotatoria é realizada por unha das sete capitais do antigo Reino de Galicia.  

Na mañá de onte o alcalde de Tui, Enrique Cabaleiro, xunto coa concelleira de Formación e Emprego, Ana Núñez, e o concelleiro de Turismo, Laureano Alonso, acudiron á presentación dos proxectos que están a levar a cabo os alumnos e alumnas dos obradoiros de turismo e de confección e publicación de páxinas web. 

A través dunha Resolución da Alcaldía a distribución de funcións queda como segue: María Yolanda Rodríguez Rodríguez: Urbanismo, Facenda e parque e xardíns, Rafael Estévez Martínez: Deporte e Medio Rural, José Ramón Magán Rivera: Persoal, Seguridade e Protección Civil, Ismael Diz Garrido: Servicios Sociais e Medio Ambiente, Laureano Alonso Álvarez: Turismo e Camiño de Santiago, Novas Tecnoloxías e Patrimonio, María Sonsoles Vicente Solla: Ensino e Cultura. Ana María Núñez Álvarez: Emprego e Formación, Igualdade e Xuventude e Javier Rodríguez Gómez: Parque Móvil.

Mañá xoves, 20 de xuño, ás 11.00 horas españolas, terá lugar, no salón de plenos da casa do concello de Tui, a presentación do VI Campionato Ibérico de Kung Fu Eurocidade. Este evento, organizado polo Club Deportivo Di Som Tui, en colaboración coa Eurocidade Tui-Valença e a Federación Galega de Kung Fu, celebrarase este domingo, 23 de xuño, a partir das 10.30 horas, no novo pavillón deportivo municipal de Tui.

Este ano correspóndelle ao Concello de Tui realizar a Ofrenda do Antigo Reino de Galicia a Xesús Sacramentado o próximo domingo, 30 de xuño, na Catedral de Lugo.

Por este motivo o Concello de Tui pon á dispor da cidadanía autobuses gratuítos para desprazarse até Lugo. As persoas interesadas en acudir á Ofrenda deberán inscribirse até o próximo martes 25, inclusive, na casa do concello de luns a venres de 9 a 14 h ou no teléfono 617 498 103 de 9.30 h a 13.30 h e de 16 a 21h.  Os autobuses sairán o domingo 30 ás 8 h.

O equipo alevín do Tyde F.C.  vai participar por sexto ano consecutivo no Torneo Internacional de Fútbol de Versmold, en Alemaña. A expedición tudense, formada por 53 persoas entre xogadores, directivos, adestradores e familiares, partirá o mércores ás 8 h dende a Estación de Autobuses de Tui.