Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
"Miño, destino navegable" está promovido polas Eurocidade Tui-Valença e Salvaterra-Monçao. Presenta un destino en dous países, dúas eurocidade e catro municipios. Contempla rutas fluviais pero tamén aos conxunto históricos de cada concello, e que nos permitirán coñecer o seu patrimonio cultural, natural e etnográfico e a súa gastronomía.
Próximamento comezarán as rutas "Miño, un destino navegable" que terán lugar entre Salvaterra e Monçao, e entre Tui e Valença.
Está aberta xa a reserva de praza en www.hemisferios.org ou no teléfono 620 900 265, onde se pode ampliar esta información.
O alcalde de Tui, Enrique Cabaleiro, participou este mércores, 15 de decembro, na 58º Asemblea Xeral da Red de Juderias – Caminos de Sefarad que integra a 21 cidades e da que Tui forma parte dende o ano 2019 en recoñecemento ao seu importante acervo patrimonial vinculado á cultura xudía.
Esta Red ten como obxectivo promover proxectos de defensa do patrimonio cultural e o legado sefardí mediante acción culturais, turísticas e académicas así como o intercambio de experiencias nacionais e internacionais que contribúan ao coñecemento e respecto mutuo de pobos, culturas e tradicións.
A cidade de Tui como porta de entrada dos Camiños Portugueses a Santiago continua recibindo neste mes de decembro un continuo fluxo de peregrinos que acreditan a vitalidade das rutas históricas xacobeas.
O alcalde de Tui, Enrique Cabaleiro, vai participar mañá mércores na cidade de León na 58ª Asemblea Xeral da Red de Juderias de España – Caminos de Sefarad que reunirá a representantes de dezanove cidades das vinte unha que integran esta rede de municipios.
Neste Asemblea, que se desenvolverá no Hostal San Marcos de Léon, debateranse diversos temas, entre eles, a aprobación do orzamento e programa de actuacións para o vindeiro ano 2022, así como o deseño dun plan de estratexia de futuro da Red de Juderías para o período 2022-2025 como puntos máis destacados da orde do día.
A Oficina Municipal de Turismo do Concello de Tui ten rexistrado nesta primeira semana de decembro un alto número de persoas atendidas; en concreto, un total 1.094 visitantes. Do total de persoas que pasaron por este punto de información turística a gran maioría, 1.006 persoas eran turistas, e 88 peregrinos.
O martes, 25 de xaneiro, ás 19 h continuará o Foro do Camiño Portugués cunha nova conferencia.
Nesta ocasión será coa presenza dun destacado protagonista da recuperación e revitalización do Camiño de Santiago en Galicia, Víctor Manuel Vázquez Portomeñe, exconselleiro da Xunta de Galicia e medalla de honra do Concello de Tui dende o ano 2017.
A continuación poderá seguirse en director a conferencia de Dámaso Rodríguez Costas, autor de "Ruta jacobea, camino y leyenda" no Foro do Camiño de Santiago que organiza o concello de Tui.
A conferencia comezará o martes, 23 de novembro, ás 19 h.
A Mesa Local do Camiño reuniuse o pasado martes 16 de novembro na Casa do Concello de Tui, nunha xuntanza presidida polo alcalde, Enrique Cabaleiro, e na que participaron os representantes dos distintos sectores – aloxamentos, restauración, servizos aos peregrinos, igrexa e movemento asociativo xacobeo – que forman parte da Mesa. Tamén estivo presente un representante de Turismo de Galicia, neste caso Ildefonso de la Campa, director de Administración do Xacobeo.
