O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Un centenar de xinetes e amazonas de Galicia e Portugal van participar esta fin de semana no Concurso Nacional de Saltos que se vai celebrar en Tui nas instalacións do Club Hípico Equigalia. É a terceira ocasión en que esta competición nacional de dúas estrelas se celebra na cidade.
Mañá mércores, 17 de setembro, ás 12.30 horas, no Espazo Sociocultural da rúa Camilo José Cela, realizarase a presentación do Concurso Nacional de Saltos, que se celebrará esta fin de semana, organizado polo Club Hípico Equigalia, en colaboración co Concello de Tui e a Federación Hípica Galega.
Esta mañá, na rúa Olímpicos Tudenses, ao carón das instalacións de piragüismo e remo de Tui, foi presentado o Campionato de España de Radiocontrol Térmico, que se celebra en Tui esta fin de semana, o sábado 6 e o domingo 7 de setembro, no río Miño ao seu paso por Tui. Trátase dunha cita deportiva que está organizada polas federacións española e galega de motonaútica e que conta coa colaboración do Concello de Tui, a Secretaría Xeral para o Deporte da Xunta de Galicia e o Club Naútico San Telmo de Tui.
O próximo luns, 1 de setembro, ás 11.30 h, na rúa Olímpicos Tudenses, ao carón das instalacións de piragüismo e remo de Tui, terá lugar a presentación do Campionato de España de Radiocontrol Térmico. Esta proba, organizada pola Real Federación Galega de Motonáutica, en colaboración co Concello de Tui e a Comandancia Naval do Miño, celebrarase o sábado 6 e o domingo 7 de setembro, no río Miño ao seu paso por Tui.
Tui viviu unha fin de semana con diversas actividades con concertos e a concentración cabalar de San Bartolomeu que congregaron a centos de persoas.
Dentro da programación cultural do verán celebrouse o XXX Festival de Bandas de Música e o V Rocha Folk.
Este domingo, 24 de agosto, agárdanse a miles de persoas na Concentración Cabalar de San Bartolomeu. A coincidencia en domingo de seguro sumara máis públicos a este evento que cada ano congrega aos afeccionados ao mundo do cabalo, sendo unha das dúas citas anuais que teñen lugar en Tui, xunto á de San Telmo.
Na rúa Loureiro ultímanse os preparativos para acoller este domingo as distintas actividades previstas que comezarán ás 8 h coa chegada dos primeiros participantes na concentración.
Miles de persoas gozaron da fin de semana festiva en Tui. A gastronomía conquistou o sábado á noite o padal de miles de comensais con produtos típicos da nosa cociña con empanadas variadas, tortillas, bocadillos, e outras propostas, e onde non faltaron as sobremesas con tartas variadas, onde non faltaron as clásicas de améndoa, mazá ou tres chocolates, filloas recheas ou bica.
O domingo, 24 de agosto, vaise celebrar a tradicional Concentración Cabalar de San Bartolomeu.
Mil piragüistas tomarán o Miño este sábado coa celebración do XIV Descenso Popular e do LIV Descenso Internacional do Miño. Estas dúas probas volverán encher de cor as augas do río dende primeira hora da tarde nun evento con carácter deportivo pero tamén festivo.
Mañá martes, 12 de agosto, ás 12.00 horas, na rúa Olímpicos Tudenses, ao carón do Centro Municipal de Piragüismo Quique Míguez, terá lugar a presentación do LIV Descenso Internacional do Miño, proba federada que se celebrará o próximo sábado 16 de agosto, con saída a partir das 18.00 horas dende Salvaterra do Miño e chegada nas inmediacións do pantalán dos centros municipais de piragüismo e remo de Tui, organizado polo Club Kayak Tudense, en colaboración co Concello de Tui, a Federación Galega de Piragüismo, a Comandancia Naval do Miño, a Secretaría Xeral para o Deporte da Xunta de Galicia,
