O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O sábado 8 e o domingo 9 de febreiro celebrarase o Trail do Aloia organizado polo Club Atletismo de Tui e NOKAO, en colaboración co Concello de Tui e a Deputación de Pontevedra.
O sábado 8, dende as 16.30 h, celebrarase o Aloia Kids Trail para nenos e nenas de 0 a 14 anos. A participación será gratuíta. Haberá distintas categorías en función da idade dos e das participantes:
Baby ( 0 a 4 anos) 100 metros.
Baby power (5 a 8 anos) de 700 metros
Tui prepárase para despedir o ano de forma festiva con deporte, música e solidariedade. Mañá baterá récord de participación na San Silvestre que en só tres edicións se consolida cunha cunha gran acollida coma demostran as 1879 persoas inscritas. Con esta proba as rúas da cidade serán unha festa para despedir o ano.
A programación de Nadal continúa a encher de maxia Tui con diferentes propostas nos próximos días.
O Teatro Municipal de Tui acollerá hoxe venres e mañá sábado os concertos de Nadal da Banda de Música Popular de Tui e das tres corais tudenses, Centro Sociocomuntiario, Ponte das Febres e San Telmo, respectivamente. As entradas para estes eventos musicais están á venda en tui.gal.
Amais hoxe venres ás 16.30 h na Residencia Paz e Ben actuará a Coral San Telmo.
A dez días de que peche a inscrición máis de 600 persoas están xa anotadas na III San Silvestre Solidaria Tudenses que se vai celebrar o martes, 31 de decembro, dende ás 10.30 h. Por iso dende a organización – Concello de Tui e Atletismo Tui – agardan que se rexistre un novo record superando as 1200 persoas participantes de 2023. A inscrición está aberta até ás 22 h do domingo, 29 deste mes atletismotui.wordpress.com.
Mañá xoves, 19 de decembro, ás 12.00 h, no salón de plenos do Concello de Tui, terá lugar a presentación da 3ª San Silvestre Solidaria Tudense, organizada polo Concello de Tui e o Club Atletismo Tui, coa colaboración da Policía Local, Protección Civil de Tui e a Radio Municipal de Tui, en beneficio da Asociación Española Contra o Cancro. Celebrarase o o martes 31 de decembro, a partir das 10.30 horas, dende o Paseo da Corredoira de Tui.
Bolsas a deportistas tudenses 2024. Resolución do concelleiro de deportes de concesión de bolsas
“A liña da vida do deporte tudense” foi o lema baixo o que se celebrou a festa deportiva que recoñece e revive todas as xestas dos deportistas de Tui en multitude de disciplinas nas que a cidade é referencia galega, nacional e internacional.
Ao longo da noite fíxose fincapé na importancia do deporte ao longo da vida dunha persoa, non só a nivel competitivo, senón tamén coma saúde, educación en valores, traballo en equipo…
A oitava edición da Urban Trail Night Eurocidade vaise celebrar o sábado 23 de novembro na Eurocidade Tui-Valença. Haberá dúas distancias 16 qm e 8 qm. A saída será ás 19.30 h ES dende Valença e a liña de meta estará no Paseo da Corredoira en Tui.
A proba agarda bater record de participación superando as 500 perso h as inscritas.
A Urban Trail Night tense consolidado polo seu carácter único e diferenciado ao desenvolverse entre dous países, dous conxuntos históricos, cruzando unha ponte internacional e amais pola noite.
