A ponte sobre o río Cotarel volve unir por estrada as parroquias de Randufe e Pazos de Reis.  Esta infraestrutura vírase afectada  polas intensas choivas de xaneiro de 2023, permanecendo pechada ao tráfico dende entón debido aos danos rexistrados. En maio deste ano tamén se pechou ao tránsito peonil debido ao inicio das obras. Deste xeito a veciñanza pode volver a empregar esta estrada, así coma os numerosos visitantes que ao longo do ano se achegan á ruta dos Muíños do río Tripes, que comeza nas inmediacións.

Reivindicar a cabaza, nas súas distintas variedades e usos, así coma as súas propiedades é o obxectivo da IV Feira da Cabaza, organizada polo Concello de Tui que se vai celebrar este sábado 26 e domingo 27 e o próximo xoves 31 de outubro no Mercado de San Antonio.

O sábado ás 10 h terá lugar a inauguración oficial e apertura do mercado de cabazas e produtos de temporada no que se poderá atopar, amais das cabazas, cestería, marmeladas, cogomelos, castañas, noces, mel, galletas, queixos e embutidos.  Poderase visitar tanto o sábado coma o domingo de 10 a 14 h e de 17 a 21 h.

O Concello de Tui continúa apostando por mellorar os espazos públicos e promover hábitos de vida saudables entre a poboación. Nesta liña vén de renovar os elementos biosaudables do parques do Penedo, e de instalar novos elementos no do Montiño cun investimento de 11.316,15 € procedentes do reinvestimento dunha baixa do Plan Concellos 2022 da Deputación de Pontevedra.

Espectacular competición a prevista para esta fin de semana no pavillón municipal Gustavo Rodríguez que reunirá aos mellores bailaríns de España e Portugal. Máis de 500 persoas participarán no Trofeo Concello de Tui de Baile Deportivo que será amais a cuarta proba do Circuíto Ibérico de Baile Deportivo. Está organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo.

Mañá xoves, 3 de outubro, ás 11.00 h, no salón de plenos do Concello de Tui, terá lugar a presentación do Trofeo Concello de Tui de Baile Deportivo, proba que forma parte do Circuíto Ibérico de Baile Deportivo, organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo. Celebrarase este sábado 5 e domingo 6 de outubro, no Pavillón Deportivo Municipal Gustavo Rodríguez de Tui.

Por sexto ano consecutivo o Concello de Tui pon en marcha o programa “Cultiva a mente” que se leva a cabo en todas as parroquias tudenses ofertando en conxunto 165 prazas. Unha iniciativa coa que o concello tudense foi pioneiro en achegar ás parroquias a súa aposta polo coidado da saúde mental das persoas con este programa que traballa na prevención en colaboración con AFAGA, a Asociación de Familiares de Enfermos de Alzhéimer e outras demencias de Galicia. 

O próximo venres 4 de outubro comeza unha nova temporada de programación no Teatro Municipal de Tui na que dende o Concello de Tui se continúa a apostar por unha oferta cultural de calidade, variada e para todos os públicos. Nesta ocasión o teatro e a música centran a oferta de seis espectáculos, dos que tres van dirixidos a público familiar, e tres  a público adulto.

O alcalde de Tui, Enrique Cabaleiro, e o director do Centro Asociado da UNED en Pontevedra, Victor Manuel González Sánchez, formalizaron hoxe a sinatura dun convenio de colaboración que permitirá ampliar a oferta educativa da aula de Tui coa incorporación do Grao en Turismo.

Música, humor e solidariedade encherán o Teatro Municipal de Tui o sábado, 16 de novembro, na gala benéfica organizada pola Agrupación de Voluntarios de Protección Civil de Tui, coa colaboración do Concello de Tui, en favor de  ACEESCA e Galiclown, Pallasos de Hospital. Actuarán o monologuista Damián Alonso e o grupo Toke de Queda.

Mañá xoves, ás 10 h, na casa do Concello de Tui , o alcalde de Tui, Enrique Cabaleiro, e o director do Centro Asociado da UNED en Pontevedra, Victor Manuel González Sánchez, asinarán un convenio entre ambas entidades polo que se ampliará a oferta formativa que a aula da UNED  de Tui ofertará este curso 2024/25, na que se incluirá, entre outras novidades, un novo grao.