O Concello de Tui presenta este mércores, 20 de novembro, ás 20 h na Sala Municipal de Exposicións, o libro “Silverio Rivas”, editado pola Fundación Xoán Piñeiro co apoio do Concello de Tui así como da Consellería Cultura da Xunta de Galicia e do Concello de Ponteareas.  

O alcalde de Tui, Enrique Cabaleiro, mantivo onte, na sede da diocese de Tui-Vigo, unha reunión de traballo co bispo Antonio Valín Valdés. O principal obxectivo foi abordar os preparativos do programa conmemorativo do oitavo centenario da Consagración da Catedral de Tui que terá lugar en 2025. Precisamente por este motivo no  Concello de Tui creouse unha comisión de traballo integrada por diferentes organismos e entidades, que traballa nas actividades a realizar con motivo desta data tan destacada.

A “A exposición secuestrada. Estampa Popular Galega, Tui-1968” inaugurada o pasado 27 de setembro na Sala Municipal de Exposicións do Concello de Tui chega a súa clausura, este sábado 16 de novembro, logo dunha excelente acollida tanto por parte do público como polos medios de comunicación.

O Concello de Tui segue apostando pola prevención do deterioro da veciñanza maior de 55 anos en colaboración con Afaga Alzheimer.

Unha vez consolidado o programa preventivo a nivel cognitivo Cultiva a Mente en todas as parroquias do municipio, comézase coa implantación do homólogo a nivel físico Coida o Corpo. Deste xeito, asegúrase a atención e prevención a nivel global dos participantes (tanto a nivel da mente e coma do corpo).

Existen distintas vías para realizar doazóns económicas para colaborar coas persoas damnificadas pola dina. A continuación recóllense algunhas delas. 

Nestes momentos desaconsellase a doazón de produtos materiais ao estar saturado o almacenamento e loxística.

Aquelas persoas ou entidades que realizaron recollida de alimentos poden contactar co Concello de Tui que procederá ao seu traslado ao Banco de Alimentos. 

Tamén cómpre salientar que dada as características e a magnitude das zonas afectadas a axuda será precisa ao longo tempo non só de xeito inmediato. 

O Concello de Tui celebrará o próximo luns, ás 19 h, unha reunión na casa do Concello para abordar as posibles iniciativas de axuda ás persoas damnificadas polas inundacións provocadas pola Dana.  Á mesma están convocados os voceiros dos partidos políticos presentes na corporación municipal, representantes de Servizos Sociais, Protección Civil, SOS Tomiño Baixo Miño, e das  asociacións que están traballando xa na zona afectada. 

O Concello de Tui vai recibir 49.891,45€  ao abeiro da convocatoria de subvencións para redacción de proxectos de recuperación de espazos públicos e creación de sendas peonís e/ou ciclables nos concellos da Rede Ágora por parte da Deputación de Pontevedra.  Os proxectos terán coma obxectivo distintos espazos públicos en Pazos de Reis, Baldráns, Caldelas, e a rúa A Barca.

Esta mañá presentouse en Ciudad Rodrigo o proxecto FAR PAX “A paz europea a través da fortalezas abaluartadas da raia” no que participan os municipios españois de Tui e Ciudad Rodrigo e os portugueses de Valença, Almeida e Marvão.  O alcalde de Tui, Enrique Cabaleiro, participou neste acto xunto aos mandatarios dos outros catro municipios. 

Máis de medio centenar de persoas contribuíron a pasada semana a que as novas tecnoloxías poidan entender e falar en galego. Foi o pasado xoves na xornada de “captación de voz” promovida polo Proxecto Nós que se desenvolveu na aula CEMIT no edificio Francisco Sánchez.  Dende ás dez da mañá e até ás oito da tarde foron ducias de persoas as que se sumaron a esta iniciativa impulsada pola Xunta de Galicia e a Universidade de Santiago de Compostela, que neste caso contou coa colaboración do Concello de Tui, para que o galego tamén estea presente nos novos desenvolvementos dixitais.

A corporación municipal de Tui celebrará pleno extraordinario o mércores, 30 de outubro, ás 20 h con cinco puntos na orde do día.

1.Expediente 4139/2024. Toma de coñecemento da renuncia presentada pola sra. concelleira María Dolores Soto Vilasuso.

2.Expediente 4084/2024. Ditame para a modificación da Ordenanza fiscal reguladora da taxa pola recollida do lixo.

3.Expediente 4111/2024. Ditame modificación de créditos 23/2024 - Suplemento de crédito 4_2024.