O Concello de Tui súmase, ao longo destes días, á celebración do “Día de Rosalía” na xornada do mércores 24 de febreiro. Entre as actividades a desenvolver ao longo está o recitado de poemas rosalianos a cargo de persoas recoñecidas da vida social tudense que serán emitidos pola Radio Municipal de Tui mañá mércores 24.

Esta actividade, coordinada pola Biblioteca Municipal de Tui, contará coa participación de:

Até o 26 de marzo pode visitarse na Sala de Exposicións Municipal a mostra “Jewish Journeys / Viaxes Xudías”. A mostra foi deseñada e doada pola Biblioteca Nacional de Israel á Red de Juderias de España con motivo das Xornadas de Cultura Xudía 2020. A través de paneis informativos e fotografías cóbrense as diferentes motivacións ás que se enfronta o ser humano ao facer unha viaxe. 

A Concellería de Cultura do Concello de Tui promove a conmemoración o vindeiro 24 de febreiro do “Día de Rosalía” en que se conmemora o 184 aniversario do nacemento da escritora máis representativa e reivindicativa de Galicia, Rosalía de Castro, pola súa defensa do pobo e da lingua.  

O tradicional desfile-concurso de Entroido este ano non se pode celebrar debido a pandemia, pero queremos recordar algunhas das imaxes dos últimos anos. Detémonos no periodo 2007/2010. Grazas ás comparsas que cada ano enchen de cor as nosas rúas, e ao público que ateiga o percorrido do desfile.

Este ano debido á situación de pandemia non haberá actividades presenciais para a celebración do Entroido en Tui. Dende o Concello de Tui convídase á veciñanza a celebrar este festexo tradicional na casa e compartir as fotografías nas redes sociais.  Deste xeito dende o Concello quérese manter viva esta celebración aínda que teña que ser na casa coas persoas convivintes. É por iso que se convida a fotografarse disfrazado e compartir as imaxes nas redes sociais coa etiqueta #EntroidoTui.

O Concello de Tui vén de ampliar a capacidade de depósito do Arquivo Municipal de Tui coa instalación de novos módulos de armarios tipo compactus para a documentación administrativa do Concello tudense. Coa instalación destes novos módulos o Arquivo Municipal tudense incrementa en máis de 80 metros lineais de estantes a capacidade dos seus depósitos

Tamén foron adquiridos deshumidificadores e termohigrómetros para garantir as condicións axeitadas de conservacións da documentación e algunha peza de mobiliario de oficina.

O Concello de Tui informa que ante a actual situación epidemiolóxica e as novas medidas establecidas pola Xunta suspende as actividades previstas cada ano co gallo do Entroido, o próximo martes 16 de febreiro. Estábase a traballar na realización de actividades que cumprisen todos os protocolos de prevención establecidos ante a actual situación sanitaria. 

Dende o Concello estanse a estudar alternativas virtuais para festexar o Entroido dun xeito diferente pero mantendo o seu carácter.
 

O Concello de Tui súmase á conmemoración do “Día oficial da memoria do Holocausto e prevención de crimes contra a Humanidade” que ten lugar mañá, 27 de xaneiro. 

Os eventos culturais e deportivos organizados dentro do calendario de actividades da Eurocidade Tui-Valença, contarán desde este ano cun novo equipamento que mellorará a imaxe e a operatividade nestas actividades.

Dende o pasado luns 11 de xaneiro, coincidindo coa celebración do “Día dos usuarios das bibliotecas”, a Biblioteca Municipal de Tui comezou a súa presenza no ámbito das Redes Sociais abrindo os seus perfís en Facebook, Instagram e Twitter na procura de mellorar a súa comunicación co seus usuarios, cos afeccionados á lectura e, en definitiva, coa cidadanía en xeral.