O Concello de Tui procedeu esta mañá ao precintado e vallado da parte inferior do Parque Infantil situado a carón dos Xardíns de Troncoso, no Paseo Familia Álvarez Blázquez. Esta decisión vén motivada polos reiterados actos vandálicos que estaban a rexistrarse nos distintos elementos do parque que foran renovados recentemente tras o seu acondicionamento para cativos e cativas de 0 a 5 anos, cun investimento de 13.752,38€, e que estaban aínda pendentes de rematar polo que esta zona estaba xa precintada.

Mañá xoves, 17 de setembro, ás 11 h na Área Panorámica terá lugar a presentación do XVI Play Doc, o Festival Internacional de Documentais de Tui, que se vai celebrar na cidade do 23 ao 27 deste mes de setembro. 

No acto participarán Enrique Cabaleiro, alcalde de Tui; Carmela Silva, presidenta da Deputación; Dolores Meijomín, coordinadora de Política Audiovisual da Axencia Galega das Industrias Culturais; Sonsoles Vicente, concelleira de Cultura de Tui; Victoria Alonso, deputada de Cultura, e Ángel Sánchez, codirector do festival. 

O Centro Municipal de Formación do Concello de Tui, situado en Guillarei, conta cun Punto de Información, Orientación e Prospección dirixido a persoas con discapacidade.  Este servizo está recollido no convenio de colaboración asinado esta mañá entre o alcalde de Tui, Enrique Cabaleiro, e o presidente de COGAMI, Confederación Galega de Persoas con Discapacidade, Anxo Queiruga.

No acto, desenvolvido na casa do concello, contou coa presenza da concelleira de Formación e Emprego, Ana Mª Núñez, o presidente de VONTADE, Miguel Pazo, entre outros.

Hoxe martes, 15 de setembro, ás 11.30 h, no salón de sesións da casa do concello terá lugar a sinatura dun convenio entre o Concello de Tui e COGAMI para a ubicación no Centro Municipal de Formación dun Punto de Información, Orientación e Prospección dirixido a persoas con discapacidade.

A sinatura correrá a cargo do alcalde de Tui, Enrique Cabaleiro, e o presidente de COGAMI, Anxo Queiruga. Tamén estará presente a concelleira de Formación e Emprego, Ana Mª Núñez.

Mañá martes, 15 de setembro, abre o prazo de presentación de solicitude das axudas municipais de material escolar e comedor dirixidas ao alumnado de Infantil, Primaria e Secundaria para o curso 2020/21. Estas axudas van dirixidas prioritariamente a menores de familias con dificultades socioeconómicas e dificultades para conciliar a vida familiar e laboral.

Mañá mércores, 2 de setembro, o Rei Felipe VI realizará unha visita oficial á Comandancia Naval do Miño en Tui. 

Por este motivo haberá unha serie de restriccións do tráfico que afectarán ao estacionamento en varias rúas. Así mañá mércores, dende ás 7 h, non se poderá estacionar na rúa Palláns, Calzada, Coengo Valiño, Antero Rubén, e Baixada ao Embarcadoiro. Xa dende onte non se pode aparcar no Paseo Fluvial a carón do Club Náutico. 

Mañá martes, 1 de setembro, ás 11 h na sala de concelleiros da casa do concello de Tui terá lugar a presentación da Feira de Oportunidades que esta fin de semana se vai celebrar na zona peonil do Paseo da Corredoira. Está organizada por ACITUI contando coa colaboración do Concello de Tui.

A presentación correrá a cargo do alcalde de Tui, Enrique Cabaleiro, a concelleira de Comercio, Ana Mª Núñez, o presidente de ACITUI, Juan Carlos Blanco.

Dende mañá, 1 de setembro, non será preciso solicitar previa no rexistro de entrada na casa do concello de Tui. As persoas que precisen presentar documentación por rexistro de entrada só terán que achegarse á casa do concello onde serán atendidos na entrada habilitada dende a fachada principal. 

Si continuará a ser preciso a cita previa para a atención presencial no resto de departamentos municipais.
 

Un total de catorce rochas con petróglifos realizados dende o Neolítico á época moderna conforman o conxunto situado no Alto do Coello, Fontiñas e Rozacús, en Randufe. Nun proxecto do Concello de Tui, financiado pola Deputación de Pontevedra, e coa colaboración da Comunidade de Montes de Randufe, a empresa Árbore Arqueoloxía e Restauración levou a cabo a súa limpeza a posta en valor.

Está mañá tivo lugar a reapertura oficial das pistas municipais de Tenis situadas en Areas tras as obras de remodelación realizadas, que supuxeron un investimento de 53.095,22€ con cargo ao Plan Concellos. 
O alcalde de Tui, Enrique Cabaleiro, destacou que con esta actuación dáse cumprimento a unha vella demanda do Club Tenis Tui en canto á mellora das instalacións. Avanzou tamén que o gran reto de cara ao futuro é a execución dunha área multideporte nun emprazamento axeitado.