O próximo luns, 7 de maio, ás 17.30 horas, na sala de reunións da casa do concello de Tui, terá lugar a presentación da XV Andaina Solidaria Tudense, organizada polo Club AndaTui Rego da Pedra, en colaboración co Concello de Tui.  Celebrarase o sábado 12 de maio.

O alcalde de Tui, Carlos Vázquez Padín, fará un derradeiro tento de aprobar os orzamentos do Concello de Tui para 2018, ao considerar que “a non aprobación dos orzamentos é moi lesiva para Tui”. Por este motivo o rexedor fai unha última oferta aos grupos políticos nos que se integran os nove concelleiros da oposición para tentar chegar a un acordo con algún deles, e poder sumar os 9 votos precisos para sacar adiante as contas.

Mañá venres, 4 de maio, ás 18.30 horas, no salón de sesións da casa do concello de Tui, terá lugar a recepción oficial ao Club Baloncesto Tui, en recoñecemento aos éxitos acadados recentemente, ao proclamarse campión galego en categoría cadete e acadar o ascenso do equipo sénior a liga EBA.

Na mesma, estarán presentes o alcalde de Tui, Carlos Vázquez, o concelleiro de deportes de Tui, Andrés Urseira, acompañados doutros membros da corporación, así como a directiva, xogadores e adestradores do Club Baloncesto Tui.

O Concello de Tui  vén de recadar 13.712 € no proceso de regularización do mercado semanal dos xoves levado a cabo nos últimos meses. Con esta actuación, iniciada no mes de febreiro, buscou que todos os vendedores ambulantes que acoden ao mercado que se celebra os xoves na cidade estean ao día no pago das correspondentes taxas. Para iso comunicóuselles a aqueles que tiñan pendente algún recibo a cantidade adebedada e déuselles un prazo de 30 días para facer efectivo o pago.

Tui  acollerá do 15 de maio ao 24 de xullo un curso de Monitor de Fútbol Sala organizado pola Federación Galega de Fútbol, coa colaboración do Concello de Tui a través da concellería de Deportes, e dos clubs deportivos de fútbol sala da cidade, A Quinta de Tui FS e o Club Deportivo Tui FS.

O Concello de Tui, a través da concelleira de Educación do Concello de Tui, Mila González, amosa a súa satisfacción logo de que a pasada semana teñan comezado as obras para instalación dun ascensor no CEIP de Guillarei.  Esta foi unha das solicitudes que tanta ela coma o alcalde, Carlos Vázquez Padín, presentaron o pasado mes de febreiro ao xefe territorial de Educación, César Pérez, no encontro que mantiveron na delegación da Xunta en Vigo.

Ás 13h de hoxe luns, 30 de abril, terá lugar a inauguración do novo comedor escolar do CEIP nº2 de Tui. Dende hoxe os alumnos deste centro educativo que acoden a este servizo xantarán xa nas novas instalacións na antiga casa do mestre que foi reformada para albergar estas novas instalacións.

Á inauguración deste mediodía acudirán o alcalde, Carlos Vázquez Padín, e a concelleira de Educación, Mila González.

O alcalde de Tui, Carlos Vázquez Padín, presentou esta mañá xunto ao presidente da delegación do COAG, Colexio Oficial de Arquitectos de Galicia, en Vigo e ao vogal da Xunta de Goberno do COAG, Simón Pereiro, a proposta preliminar de convocatoria dun concurso internacional de ideas de reordenación do fronte fluvial. Tamén estivo presente o concelleiro Antonio Castro,

Mañá mércores, 25 de abril, ás 12h, na sala de reunións da casa do concello de Tui o alcalde de Tui, Carlos Vázquez Padín, xunto a Antonio Davila, presidente da delegación do COAG, Colexio Oficial de Arquitectos de Galicia, en Vigo e Simón Pereiro, vogal da Xunta de Goberno do COAG presentarán o concurso internacional de ideas para reordenar a beira do río Miño dende a vella Ponte Internacional até a Alameda de San Domingos.

O próximo mércores, ás 12h, na casa do Concello de Tui o alcalde de Tui, Carlos Vázquez Padín, xunto a unha representación do COAG, o Colexio Oficial de Arquitectos de Galicia, presentarán o concurso internacional de ideas para reordenar a beira do río Miño dende a vella Ponte Internacional até a Alameda de San Domingos.