Tui ten unha clara vocación turística. A súa situación e os seus recursos naturais e patrimoniais constitúen un valor en alza. O conxunto histórico, o Camiño Portugués, o Parque Natural do Monte Aloia, o río Miño, a ruta xudía, a Eurocidade...son os eixos principais desta área. O Turismo amosase cada vez máis coma un dos principais recursos cos que contará Tui no futuro. A promoción é xa un eixo fundamental no desenvolvemento dun sector, que lentamente vai creando traballo e oportunidades na cidade. Unha tarefa na que todos deberemos implicarnos, por suposto o Concello como xestor pero tamén as empresas e os profesionais do sector.
Os venres de marzo chegarán cheos de sabor a Tui grazas á ruta gastronómica Tú-y D’Tapas, promovida por ACITUI, a Asociación de Comerciantes de Tui, coa colaboración do Concello de Tui.
Dezaoito locais ofertarán ao longo dos catro venres do mes marzo, os días 6, 13, 20 e 27, de 19 a 23 h unha tapa ao prezo de 2,5€.
O Concello de Tui presentou por primeira vez unha campaña turística propia, “Tui, Catedral de Historias”, no marco da Feira Internacional de Turismo de Madrid, FITUR. Fíxoo por partida dobre, no estand de Galicia e na sala de presentacións de Turespaña.
Mañá xoves, 22 de xaneiro, ás 12.00 h no Centro Sefarad-Israel en Madrid será inaugurada a mostra “Os sambenitos da catedral de Tui: historia, memoria e infamia” por parte do alcalde de Tui, Enrique Cabaleiro González, e o director Xeral do Centro Sefarad-Isarel, José Thomas Lozano.
O Concello de Tui presentou hoxe en FITUR, en Madrid, “Tui, Catedral de Historias” coa que promociona o 800 aniversario da consagración da Catedral de Tui. Un acontecemento ao que Enrique Cabaleiro, alcalde de Tui, se referiu coma “de especial relevancia histórica, patrimonial e simbólica, pero tamén unha gran oportunidade dende o punto de vista turístico e económico”.
O Concello de Tui proxectará a nivel internacional o oitavo centenario da consagración da Catedral que até o 30 de novembro deste ano será o eixo da actividade cultural na cidade tudense.
Este mediodía deuse a coñecer a peza documental “Tui, Catedral de Historias”, que incide no lado humano do templo catedralicio. A próxima semana esta campaña chegará a Madrid, a Feira Internacional de Turismo de Madrid, referente internacional no sector. O mércores 21, ás 14 h, presentarase no stand de Galicia, e o venres 23 ás 12.30 h na sala de presentacións de Turespaña.
Mañá venres, 16 de xaneiro, ás 12.30 h no Espazo Sociocultural da r/Camilo José Cela terá lugar a presentación da campaña “Tui, Catedral de Historias” conmemorativa do 800 aniversario da Consagración da Catedral de Tui. O Concello de Tui levará a próxima semana esta campaña a FITUR, a Feira Internacional de Turismo de Madrid, referente mundial no sector turístico.
O Camiño Portugués consolida, un ano máis, a súa posición como a segunda ruta xacobea máis escollida polos peregrinos, acadando no ano 2025 a cifra de 100.835 peregrinos, o que supón un incremento do 5,6 % respecto a 2024, cando se rexistraran 95.495 persoas. Uns datos que confirman a fortaleza, a proxección internacional e a vixencia histórica desta ruta xacobea.
O Camiño Portugués acada a cifra de 100 mil peregrinos e peregrinas neste 2025. Así se recolle nos datos estatísticos da Oficina do Peregrino da Catedral de Santiago segundo as persoas que obtiveron a “Compostela”, neste 2025, superando as cifras de anos anteriores.
Concretamente a 14 de decembro foron un total de 100.452 peregrinos os que percorreron esta ruta histórica de peregrinación, deles 37.759 españois (38%) e 61.3024 (62%) de procedencia estranxeira. Os datos deste ano 2025 supoñen un incremento do 6% en relación ao pasado ano 2024.
Tui recupera a senda fluvial do río Caselas e restaura dous muíños ao seu paso grazas ao convenio coa Confederación Hidrográfica do Miño-Sil. Coas obras xa rematadas, unificáronse dous espazos naturais privilexiados: a senda do Miño entre Tui e Caldelas, e a senda do Caselas que comunica con Salceda.
Hoxe luns Enrique Cabaleiro, alcalde de Tui, e José Antonio Quiroga, presidente da CHMS, visitaron a senda. Participaron tamén na visita a concelleira de Turismo e Patrimonio, Ana Núñez, o concelleiro de Espazos Naturais e Áreas de Lecer, Miguel Méndez, e técnicos da Confederación.
O próximo luns, 15 de decembro, ás 13.00 h o alcalde de Tui, Enrique Cabaleiro, e o presidente da Confederación Hidrográfica do Miño-Sil, Jose Antonio Quiroga, visitarán a senda do río Caselas, tras o remate das obras executadas ao abeiro do convenio establecido entre o Concello de Tui e a Confederación Hidrográfica do Miño-Sil, CHMS, que supuxeron un investimento de 935 mil euros.
Participarán tamén na visita a concelleira de Turismo e Patrimonio, Ana Núñez, e o concelleiro de Espazos Naturais e Áreas de Lecer, Miguel Méndez.
