Salvador Domínguez Alonso, o avó de Tui, cumpre 106 anos

Venres, 26 de abril de 2013. Salvador Domínguez Alonso, veciño de Paramos, cumpre mañá sábado 27 de abril 106 anos. Segundo os datos do padrón municipal e do INE é a persoa de máis idade de Tui. Por este motivo o Concello de Tui lle vai brindar unha pequena homenaxe.

O alcalde de Tui, Moisés Rodríguez, e a concelleira de Servizos Sociais, Olga Montes, xunto a outros membros da corporación, visitarán mañá sábado, ás 12h a Salvador Domínguez, na súa casa para felicitalo polo seu aniversario e facerlle entrega dun agasallo.

Nota indicativa de cómo chegar:

A Casa de Salvador Domínguez Alonso está na parroquia de Paramos, Praza nº10.

Para chegar hai que coller na rotonda do tanatorio de Guillarei en dirección Caldelas pola N-404. Na recta de Paramos hai que tomar dirección Salceda pola N-411. Logo aparecen dúas entradas, hai que coller a segunda entrada que está asfaltada a man esquerda. A poucos metros está facendo esquina a vivenda nº10.