Onte entregáronse diversos diplomas aos voluntarios de protección civil de Tui

Xoves, 4 de xullo de 2013. Na mañá de onte, mércores 3 de xullo, cinco voluntarios de Protección Civil de Tui recibiron os diplomas acreditativos da superación de diversos cursos de formación entregados polo alcalde de Tui, Moisés Rodríguez Pérez, xunto ao concelleiro delegado de Seguridade Cidadá Ángel Gutierrez González.

Os diplomas “Busca e salvamento en montaña e zonas illadas”, “Prevención en loita contra incendios  urbanos” e “Básico de protección civil”  foron entregados  a tres homes e dúas mulleres como sinal de recoñecemento ao esforzo e preparación adquirida .

O concelleiro delegado, Ángel Gutierrez, apuntaba que “esta nova entrega de diplomas fai aumentar máis, se cabe, a constante preparación dos membros de Protección Civil de Tui”.