O Concello cede ao Clube de Tenis Tui a caseta onde estaba a oficina de turismo

Tras o traslado, a principios deste mes, da Oficina Municipal de Turismo ás súas novas dependencias na céntrica Praza de San Fernando ao carón da Catedral de Santa María, o Concello de Tui acordou a cesión da caseta de madeira que acollía esta Oficina de Turismo ao Club Tenis Tui.

Na mañá de onte foi trasladada esta caseta ata as pistas polideportivas de Areas (xunto ao Parque Empresarial) nas que adestran os membros do Club de Tenis Tui. Con esta caseta o Club disporá dun espazo para gardar o material que empregan nos adestramentos e

O Club Tenis Tui que leva algo máis dun ano constituído conta na actualidade con case 80 alumnos de todas as idades que acoden regularmente aos adestramentos naquelas pistas de Areas.

Para o concelleiro de deportes tudense, Nicolás Lorenzo Montes, a instalación desta caseta ao servizo dos deportistas e afeccionados do club de tenis testemuña o compromiso do goberno municipal na promoción do deporte base apoiando as súas actividades e equipamentos, mellorando, na medida das nosas posibilidades, as instalacións que ocupa cada club deportivo para garantir que exista un amplo abano de actividades deportivas dirixidas aos cidadáns tudenses.