Facebook Twitter Vimeo Instagram Youtube

Inauguración da exposición “España-Israel en caricaturas”

8/08/2012

Poderá visitarse ata o 8 de setembro na Sala Municipal

 

Ás sete desta tarde inaugúrase na Sala de Exposicións Municipal na Área Panorámica  a exposición “España-Israel en caricaturas” conmemorativa dos 25 anos de relacións diplomáticas entre os dous países.  A mostra está organizada pola Embaixada de Israel  e a Concellería de Cultura de Tui coa colaboración do Centro Sefarad Israel e a Asociación da Prensa de Madrid.

 

A exposición recolle corenta e catro debuxos de 50x50 cm realizados por  dezaoito debuxantes israelís e españois. Entre eles está Mingote, Juan Álvarez, J. M Varona “Che”, José Orcajo, Nimrod Reshef, Zeev Engelmayer, Sergei Sichenko entre outros.

 

A mostra poderá visitarse ata o 8 de setembro. Esta actividade forma parte do programa da Xornada Europea da Cultura Xudía 2012 que comprende tamén visitas guiadas a vestixios xudeus en Tui o 31 de agosto, e o 1 e 2 de setembro.