Río Miño
![](https://tui.gal/sites/default/files/styles/large/public/sites/default/files/paginas/concello-de-tui-turismo-261_0.jpg?itok=8CaaZnPU)
O Miño, o pai dos ríos galegos, baña coas súas fértiles augas unha parte importante do municipio de Tui. Outrora foi fronteira natural con Portugal, e na actualidade un río que nos une co país veciño. Dende a parroquia de Caldelas até Areas o río proporciona distintas zonas de ribeira onde disfrutar da natureza.
É navegable dende Guillarei até Areas, tendo precaución co cambio dos areeiros que poden dificultar a navegación.
O Miño presenta condicións óptimas para a práctica deportiva de modalidades coma o piragüismo, o remo, o esquí náutico...