O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O río Miño ao seu paso por Tui será o escenario este sábado, 27 de xullo, do Campionato de España e Copa Ibérica de embarcacións T-850 e GT6. A proba está organizada pola Real Federación Galega de Motonáutica, en colaboración co Concello de Tui, coa Real Federación Española de Motonáutica, coa Comandancia Naval do Miño, e Protección Civil de Tui e Tomiño
O próximo luns, 22 de xullo, ás 11.00 horas, no aparcadoiro da rúa Olímpicos Tudenses, xunto ás instalacións de piragüismo e remo de Tui, terá lugar a presentación do Campionato de España e Trofeo Ibérico de embarcacións T850 e GT60. Esta proba está organizada por la Real Federación Galega de Motonáutica, en colaboración co Concello de Tui, coa Real Federación Española de Motonáutica, coa Comandancia Naval do Miño, e Protección Civil de Tui e Tomiño terá lugar o sábado 27 de xullo, no río Miño, fronte ao Club Náutico San Telmo.
Debido á previsión de choiva para última hora desta tarde a retransmisión da final da Eurocopa entre España e Inglaterra prevista en pantalla xigante no Paseo da Corredoira queda suspendida.
Baralláronse distintas opcións de emprazamentos cubertos para levar a cabo a retransmisión coa axeitada calidade de imaxe e son, pero debido ás características da pantalla, de grandes dimensión, non foi posible o cambio de lugar.
A partir das 21 h AEMET ten activado un aviso de nivel amarelo por choivas que poderían acadar aos 15l/m2 e que poderían estar acompañadas de treboadas.
Tui acolleu ao equipo da Federación Galega de Remo que vai participar mañá sábado na regata clasificatoria para Copa da Xuventude 2024
Dende o pasado día 24 de xuño as persoas integrantes do equipo da Federación Galega de Remo (FEGAR) estiveron concentradas nas instalacións do Centro Interfederado de Remo e Piragüismo de Tui, adestrando nas augas do Río Miño.
Esta fin de semana competirán na regata clasificatoria para a Copa da Xuventude 2024.
O Paseo da Corredoira vibrará este domingo coa final da Eurocopa entre España e Inglaterra. O Concello de Tui instalará unha pantalla de grandes dimensións, 3x6 metros con tecnoloxía led, nas inmediacións da Oficina Municipal de Turismo, para poder seguir este histórico partido.
Máis de 400 deportistas de España e Portugal van participar este domingo, no pavillón municipal Gustavo Rodríguez, no X Campionato Ibérico de Kung Fu Eurocidade. Dende ás 10.30 h serán dúas horas dunha espectacular competición deportiva nas modalidades de Kung Fu Tradicional e Moderno, que reunirá a nenos e nenas dende os 8 anos até deportistas veteranos. No evento participarán varios medallistas nacionais e europeos o que reflicte o alto nivel da competición.
Mañá mércores, 3 de xullo, ás 12.00 horas, no salón de plenos do Concello de Tui, terá lugar a presentación oficial do X Campionato Ibérico de Kung Fu Eurocidade, proba deportiva organizada polo Club Ximnasia e Auga de Tui, en colaboración coa Eurocidade Tui-Valença e a Federación Galega de Kung Fu, que terá lugar no Pavillón Deportivo Municipal Gustavo Rodríguez, este domingo 7 de xullo.
O próximo luns, 1 de xullo, comezarán os tres campamentos de verán organizados polo Concello de Tui. Será o campamento Igual É +, o campamento tecnolóxico e o campamento de aventuras. Ao longo dos meses de xullo e agosto, nas distintas quendas establecidas, asistirán a estas actividades 800 nenos e nenas.
No Campamento de Verán Igual É + Tui 2024, que como en edicións anteriores organiza o Concello de Tui, a través da concellería de Deportes, participarán en total 560 nenos e nenas de idades comprendidas entre os 3 e os 12 anos.
O Concello de Tui continua coa súa aposta polo mantemento e mellora das instalacións deportivas do municipio. Onte á tarde tivo lugar a inauguración dos novos vestiarios do CEIP de Guillarei, dos que poden gozar xa tanto o alumnado do propio centro educativo coma os e as deportistas do Club Balonmán Tui, CPA Ribex, Club Bádminton Tui, Club Tenis Tui, A Quinta de Tui FS e A Gándara F.S. que adestran nestas instalacións.
Mañá mércores 19, ás 18.00 horas, levarase a cabo a inauguración dos novos vestiarios do pavillón do CEIP de Guillarei, tras as obras realizadas polo Concello de Tui nesa instalación, que darán cobertura aos alumnos e alumnas do CEIP de Guillarei, nas clases de educación física, así como aos clubs deportivos tudenses que realizan os seus adestramentos e competicións nestas instalacións.
