O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Tui vaise converter esta fin de semana no epicentro futbolístico da zona ao acoller o Galician Rising Stars. Este I Torneo Internacional de fúbtol 11 vaise celebrar dende mañá venres, 7 de xuño, nas instalacións deportivas Álvarez Durán, nas categorías cadete e infantil.
Participarán 40 equipos, xogaranse 76 partidos que sumarán 30 horas de deporte.
Mañá venres, 7 de xuño, ás 10.30 horas, no pavillón municipal de Tui, terá lugar a presentación da Fase de Ascenso Senior de Baloncesto que esta fin de semana se vai celebrar en Tui.
A presentación contará coa presenza do alcalde do Concello de Tui, Enrique Cabaleiro, do concelleiro de Deportes, Rafael Estévez, de Miguel González, vicepresidente da Federación Galega de Baloncesto, Miguel González, vicepresidente, e Alejandro Carreto presidente do CB Tui, e Javier Niño, coordinador deportivo do club.
Mañá mércores, 5 de xuño, ás 12.00 horas, no Campo Municipal de Fútbol “Álvarez Durán” de Tui, terá lugar a presentación oficial do “Galician Rising Stars Cup”, torneo de fútbol 11 organizado polo Club Rising Star, coa colaboración do Concello de Tui e o Tyde F.C.. O Galician Rising Stars Cup celebrarase esta fin de semana reunindo a máis de 700 futbolistas das categorías cadete e infantil, tanto de Galicia como de Portugal.
Un total de 178 persoas están inscritas para participar este domingo, 2 de xuño, na I Marcha Ciclista polo Medio Ambiente, organizada polo Concello de Tui como parte do programa do Día Mundial do Medio Ambiente. Esta iniciativa busca promover a conciencia ambiental e fomentar o uso da bicicleta como medio de transporte sostible.
Vense de publicar a listaxe de persoas admitidas, reservas e excluídas por quendas para o Campamento de Verán Igual É + 2024.
Cada participante deberá solicitar (ata as 14.00 horas do día 12/06/2024) a carta de pago da cota de inscrición das quendas solicitadas:
Vén de publicarse a listaxe de requirimentos de documentación ás solicitudes presentadas para o Campamento de Verán Igual É + Tui 2024.
Hai un prazo de tres días, contados a partir de mañá, é dicir ata este venres, 24 de maio, para emendar a falta ou achegar os documentos preceptivos, coa advertencia de que, de non facelo considerarase que a persoa interesada desistiu da súa solicitude.
O balonmán galego vivirá a súa festa esta fin de semana en Tui coa celebración na cidade da Final 4 Cadete nas categorías feminina e masculina.
O concelleiro de Deportes, Rafael Estévez, o presidente da Federación Galega de Balonmán, Bruno López e o presidente do Club Balonmán Tui, Pablo Rodríguez, xunto ás tudenses Shaila Bautista e Laura Solla, membros da Federación Galega de Balonmán, presentaron este mediodía a competición na casa do concello de Tui.
O próximo luns, 29 de abril, ás 12.00 horas, na sala de concelleiros de Tui, terá lugar a presentación da Final a 4 Cadete masculina e feminina de balonmán, que se disputará os días 4 e 5 de maio, no pavillón deportivo municipal Gustavo Rodríguez de Tui, organizado pola Federación Galega de Balonmán, en colaboración co Concello de Tui e o Club Balonmán Tui.
Na mesma estarán presentes o alcalde de Tui, Enrique Cabaleiro, o concelleiro de Deportes, Rafael Estévez, o presidente da Federación Galega de Balonmán, Bruno López e o presidente do Club Balonmán Tui, Pablo Rodríguez.
Até o 15 de outubro está aberto o prazo para solicitar as bolsas a deportistas tudenses que participaron neste ano 2024 en competicións federadas de ámbito internacional convocadas polo Concello de Tui.
Récord de participación esta fin de semana no X Trofeo de Baile Deportivo da Eurocidade, que esta fin de semana se vai celebrar no no pavillón deportivo municipal de Valença.
