O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Maña xoves, 16 de xaneiro, ás 12.15 h, no salón de plenos do Concello de Tui, terá lugar a presentación da 44ª edición da Regata Miño Internacional que se celebrará este sábado, 18 de xaneiro. Esta proba está organizada polo Club Remo do Miño, en colaboración co Concello de Tui, a Federación Galega de Remo, a Comandancia Naval de Tui e Protección Civil de Tui.
Tui prepárase para despedir o ano de forma festiva con deporte, música e solidariedade. Mañá baterá récord de participación na San Silvestre que en só tres edicións se consolida cunha cunha gran acollida coma demostran as 1879 persoas inscritas. Con esta proba as rúas da cidade serán unha festa para despedir o ano.
A programación de Nadal continúa a encher de maxia Tui con diferentes propostas nos próximos días.
O Teatro Municipal de Tui acollerá hoxe venres e mañá sábado os concertos de Nadal da Banda de Música Popular de Tui e das tres corais tudenses, Centro Sociocomuntiario, Ponte das Febres e San Telmo, respectivamente. As entradas para estes eventos musicais están á venda en tui.gal.
Amais hoxe venres ás 16.30 h na Residencia Paz e Ben actuará a Coral San Telmo.
A dez días de que peche a inscrición máis de 600 persoas están xa anotadas na III San Silvestre Solidaria Tudenses que se vai celebrar o martes, 31 de decembro, dende ás 10.30 h. Por iso dende a organización – Concello de Tui e Atletismo Tui – agardan que se rexistre un novo record superando as 1200 persoas participantes de 2023. A inscrición está aberta até ás 22 h do domingo, 29 deste mes atletismotui.wordpress.com.
Mañá xoves, 19 de decembro, ás 12.00 h, no salón de plenos do Concello de Tui, terá lugar a presentación da 3ª San Silvestre Solidaria Tudense, organizada polo Concello de Tui e o Club Atletismo Tui, coa colaboración da Policía Local, Protección Civil de Tui e a Radio Municipal de Tui, en beneficio da Asociación Española Contra o Cancro. Celebrarase o o martes 31 de decembro, a partir das 10.30 horas, dende o Paseo da Corredoira de Tui.
“A liña da vida do deporte tudense” foi o lema baixo o que se celebrou a festa deportiva que recoñece e revive todas as xestas dos deportistas de Tui en multitude de disciplinas nas que a cidade é referencia galega, nacional e internacional.
Ao longo da noite fíxose fincapé na importancia do deporte ao longo da vida dunha persoa, non só a nivel competitivo, senón tamén coma saúde, educación en valores, traballo en equipo…
O Concello de Tui mantén a súa aposta por contar coas instalacións deportivas nas mellores condicións para a práctica deportiva por parte dos distintos equipos. Nesta liña de traballo no día de onte, co apoio da Deputación de Pontevedra, leváronse a cabo os traballos de mantemento nos campos municipais de fútbol de céspede natural do “Álvarez Durán” e “A Gándara” de Guillarei.
Esta maña realizouse a primeira reunión de organización da San Silvestre Tudense 2024, proba solidaria e non competitiva que se celebrará o martes 31 de decembro, que volverá a ter un carácter solidario a favor da Asociación Española Contra o Cancro.
O concelleiro de deportes de Tui, Rafael Estévez, a presidenta do Club Atletismo Tui, Cristina Piñeiro, a responsable do Baixo Miño da Asociación Española Contra o Cancro, Pilar Barbosa, xunto a técnicos municipais, mantiveron unha reunión para por en marcha a organización da carreira.
Espectacular competición a prevista para esta fin de semana no pavillón municipal Gustavo Rodríguez que reunirá aos mellores bailaríns de España e Portugal. Máis de 500 persoas participarán no Trofeo Concello de Tui de Baile Deportivo que será amais a cuarta proba do Circuíto Ibérico de Baile Deportivo. Está organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo.
Mañá xoves, 3 de outubro, ás 11.00 h, no salón de plenos do Concello de Tui, terá lugar a presentación do Trofeo Concello de Tui de Baile Deportivo, proba que forma parte do Circuíto Ibérico de Baile Deportivo, organizada pola Escola de Baile Pasos Galicia, en colaboración co Concello de Tui e as Federacións Española e Galega de Baile Deportivo. Celebrarase este sábado 5 e domingo 6 de outubro, no Pavillón Deportivo Municipal Gustavo Rodríguez de Tui.
