Mañá martes, 20 de xullo, ás 16 hora española presentarase na Pousada de San Teotonio en Valença o I Festival Internacional de Artes de Rúa da Eurocidade Tui-Valença.

A presentación correrá a cargo do alcalde de Tui, Enrique Cabaleiro, do presidente da Cámara Municipal de Valença, Manuel Lópes, da concelleira de Cultura de Tui, Sonsoles Vicente, e do vareador de Cultura de Valença, Mario Rui Oliveira. 
 

Hoxe, martes, 13 de xullo, ás 20.30 h será inaugurada a exposición “Via Lusitana. O espazo xacobeo no Norte de Portugal e Galicia”. Está organizada pola Xunta de Galicia no marco das actividades do Ano Xacobeo 2021-2022, e conta nesta ocasión coa colaboración do Concello de Tui.

O acto contará coa presenza de representantes do Concello de Tui e de Turismo da Xunta de Galicia.

A praza de San Fernando será o escenario do concerto de Ana Belén Rodríguez Trío este venres, 16 de xullo, ás 22 h dentro do ciclo “Música no ar” da Deputación de Pontevedra. A formación está integrada por Ana Belén Rodríguez, piano; Noelia Álvarez, voz; e Kiri Cabaleiro, gaita, frauta, percusión.

O cinema abre a programación cultural do verán en Tui. O Paseo Fluvial volverá converterse nunha sala de cinema ao aire libre con capacidade para 300 persoas. Tres son as películas que o público poderá gozar esta semana “Zog y los doctores voladores”, “El viaje de Chihiro” e “Stand by me”.  As entradas poden reservarse de forma gratuía en www.tui.gal. 

CINEMA

O Paseo Fluvial acollera seis proxección de cinema este verán ao abeiro da programación cultural.  Haberá 300 prazas en cada unha delas que se poden reservar dende ás 12 h do luns da semana da proxección.

Seis festivais, cinema, música, teatro e danza conforman a programación cultural que este verán se poderá gozar en Tui. Co lema “Saímos con sentidiño” dende o próximo martes 13 de xullo e até finais de setembro poderemos gozar dunha oferta cultural diversa, variada, e internacional con todas as medidas de seguridade.  Vén recollida nun novo número da Axenda Cultural Corredoira da que se editan 12 mil exemplares. Está xa accesible en www.tui.gal.

Este venres, 9 de xullo, ás 11 h no Cárcere Vello presentarase a programación do Verán Cultural 2021.  

Mañá terá lugar o derradeiro concerto do alumnado e profesorado do Conservatorio Profesional e da Escola de Música de Tui, nun ciclo que comezou o pasado mes de xuño coa colaboración da concellería de Cultura. 

A cita será mañá xoves, 8 de xullo, ás 19.30 h no Paseo da Corredoira. Actuarán conxuntos de gaitas, saxos, e vento metal formados por alumnado do Conservatorio, e tamén participarán alumnos solistas. Con diferentes formacións interpretarán composicións de distintos estilos dende o folk, a música clásica, pop, jazz ou BSO. 
 

Este xoves, 8 de xullo, ás 11.30 h terá lugar unha visita comentada á mostra “Espazo do Eu” a cargo da súa autora Cora Novoa. Poden asistir todas as persoas interesadas até completar o aforo establecido.

A exposición pode visitarse até este sábado na Sala Municipal, na Área Panorámica. A mostra é o traballo de  fin de grado realizado pola artista tudense na Facultade de Belas Artes de Pontevedra, da Universidade de Vigo.

A Sala Municipal de Exposicións do Concello de Tui acolle, ata o vindeiro 10 de xullo, a mostra “Espazo do Eu”, realizada pola moza tudense Cora Novoa. Trátase do seu traballo de fin de grado realizado na Facultade de Belas Artes de Pontevedra da Universidade de Vigo.