Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá xoves, 8 de abril, continúa a programación cultural de San Telmo.
A primeira cita do día é ás 17 h no Paseo da Corredoira co pasarrúas que realizará Barafaunda Animación co espectáculo “3 Pompeiras”, trátase dunha divertida animación chea de maxia e ilusión. Volverá actuar ás 19 h.
O próximo luns, 12 de abril, ás 13 h no Teatro Municipal de Tui terá lugar a Gala de entrega dos premios Cidade de Tui. Creáronse este ano co obxectivo de recoñecer anualmente aquelas personalidades ou entidades que pola súa dilatada traxectoria teñen contribuído á promoción e potenciación da nosa cidade.
Nesta primeira edición, correspondente ao ano 2021, o xurado designado pola Xunta de Goberno Local tudense acordou conceder os seguintes premios:
Mañá mércores, 7 de abril, comeza a programación cultural de San Telmo.
Ás 19 h na Sala de Exposicións Municipal, na Área Panorámica, inaugúrase a exposición “Estampas anagrámicas de Rafael García Sánchez”. Recupérase así esta mostra que formou parte das festas de San Telmo de 1934. A inauguración correrá a cargo do alcalde, Enrique Cabaleiro, xunto aos membros da corporación municipal.
A programación prevista comezará previamente, ás 17 h ,no Paseo da Corredoira co primeiro pase do pasarrúas que realizará Asacocirco co espectáculo “De Frac”. Volverá actuar ás 19 h.
“Estampas anagrámicas” é o título da exposición do tudense Rafael García Sánchez que dende este mércores, 7 de abril e até o 15 de maio, ser´poderá visitar na Sala Municipal de Exposicións do Concello de Tui. Unha das peculiaridades desta mostra é que volve a exhibirse en Tui logo de 87 anos, pois o autor achegara esta colección para unha exposición celebrada no Casino tudense no ano 1934, ano no que se celebraron as festas de San Telmo no mes de xuño.
O Concello de Tui presentou esta mañá o programa de actividades de San Telmo a celebrar dende o mércores 7 de abril até o luns 12 de abril, festividade de San Telmo e festivo local en Tui..
O alcalde, Enrique Cabaleiro, e a concelleira de Cultura, Sonsoles Vicente, foron os encargados de dar a coñecer a programación elaborada.
Mañá mércores, 31 de marzo, ás 11 h no salón de sesións da casa do concello de Tui, terá lugar a presentación do programa de actividades de San Telmo organizado polo Concello de Tui.
A presentación correrá a cargo do alcalde, Enrique Cabaleiro, e da concelleira de Cultura, Sonsoles Vicente.
Este xoves 25 de marzo, ás 12.00 horas na Sala de Exposicións Municipal na Área Panorámica, o alcalde de Tui, Enrique Cabaleiro, realizará unha visita institucional xuntamente co presidente da Cámara Municipal de Valença, Manuel Rodríguez Lopes, á exposición “135 anos da Ponte Internacional sobre o río Miño” no aniversario da inauguración en 1886 desta ponte internacional.
O Concello de Tui conmemora cunha exposición o 135 aniversario da vella Ponte Internacional Tui-Valença. A mostra achega información sobre esta histórica infraestrutura que supuxo un antes e un despois nas comunicacións, non só entre Tui e Valença, senón entre Galicia e Portugal. A exposición, que recupera material dunha anterior exposición, realiza un percorrido polo proceso de deseño e construción da Ponte Internacional sobre o río Miño. Tamén se amosa unha maqueta da ponte unindo as dúas cidades integran a mostra.
O Teatro Municipal de Tui acolle o martes 23 e o mércores 24 de marzo a estrea de “Illas Desertas” da Compañía Escénica Transmédia Artesa Cía. Será ás 19.30 h.
A obra está escrita e dirixida por Artesa Cía con textos de SebastIán Álvaro. Sobre o escenario estarán Laura Villaverde, Roi Fernández, Héctor Pazos e Susana Méndez. Contan coa colaboración tecnolóxica de Fura dels Baus.
O MUMi é o primeiro mercado profesional de música e cultura organizado polos dous territorios ibéricos e promovido por unha asociación que integra empresas, profesionais e colectivos do sector musical galego e portugués, co obxectivo de crear unha ponte de ida e volta real e estable para as músicas de ambos países.
