O Consorcio de Augas do Louro vén de adquirir unha nova bomba de impulsión de auga potable e un novo motor eléctrico de alta eficiencia enerxética para renovar unha das catro bombas existentes na captación de auga do río Miño.

A corporación municipal de Tui celebra este xoves, 31 de agosto, ás 20 h no salón de plenos da casa do concello sesión plenaria de carácter extraordinaria con 22 puntos na orde do día. 

Orde do Día: 

A) Parte resolutiva:

1º. Aprobación, se procede, do borrador da acta da sesión anterior extraordinaria nº 8/2023, do 11/07/2023.

O Concello de Tui recibirá da Deputación de Pontevedra 5 mil euros para a "Asistencia técnica proxectos PRTR no ámbito turismo deportivo sostible". Así o aprobou a Xunta de Goberno desta Deputación Provincial na súa sesión ordinaria do día 16 de xuño de 2023.

O Concello de Tui foi un dos beneficiarios das axudas concedidas pola Deputación de Pontevedra dentro da convocatoria de subvencións para a redacción de proxectos ou execución de obras de mobilidade amable e recuperación de espazos públicos dos concellos da Rede Ágora. En concreto importe concedido ascende a 50 mil euros para a redacción do proxecto de execución do Paseo da Corredoira e da rúa Augusto González Besada. 

O Concello de Tui está procedendo á renumeración dos inmobles do termo municipal, un cambio co que se pretende pór fin aos problemas que se rexistraban até a actualidade tanto no referido á denominación coma a numeración das vivendas e fincas, e tendo en conta a importancia que para a veciñanza ten que tanto os nomes das rúas coma a numeración das vías sexa a correcta.  Este cambio foi aprobado de forma definitiva en pleno o 24 de novembro de 2022.

Máis 1.100 persoas participarán este sábado, 19 de agosto, no Descenso Internacional do Miño e no Descenso Popular que organiza o club Kaiak Tudense coa colaboración do Concello de Tui, entre outras institucións e entidades.  Este eventos foron presentados esta mañá na rúa Olímpicos Tudenses.

Mañá mércores, 16 de agosto, ás 11.30 h, diante do Centro Municipal de Piragüismo Quique Míguez, presentarase a 52ª edición do Descenso Internacional do Miño, organizado polo Club Kaiak Tudense,  que se vai celebrar este sábado, 19 de agosto, en augas do río Miño entre Salvaterra e Tui. 

O Concello de Tui fai unha aposta decidida pola recuperación das contornas naturais e patrimoniais do municipio.  Nesta liña de traballo vai realizar a recuperación ambiental do río Caselas cunha senda fluvial e a restauración de dous muíños.

Para iso o Concello de Tui asinou un convenio coa Confederación Hidrográfica do Miño Sil, CHMS, para o financiamento, execución e entrega das obras de mellora da accesibilidade e recuperación ambiental do río Caselas en Tui.

Yahida Mahmud Jatri  e Yusef Abderrahman Sluj  son a nena e o neno saharauí que pasarán o verán en Tui, no seo de dúas familias acolledoras, dentro do programa Vacacións en Paz que promove Solidariedade Galega co Pobo Saharauí. 

Tras chegar o pasado día 17 a Galicia hoxe foron recibidos na casa do concello de Tui polo alcalde, Enrique Cabaleiro, e membros do equipo de goberno, que os agasallaron con distintos xogos. 

O Concello de Tui vai rehabilitar 5 vivendas no edificio de titularidade municipal en Caldelas, o que suporá un investimento de 425.743,84€. Deste total o Instituto Galego de Vivenda e Solo financiará 250 mil euros ao abeiro da convocatoria das Subvencións para rehabilitar as edificacións e vivendas de titularidade municipal con destino ao alugueiro social. O prazo de execución remata o 25 de outubro de 2024.

En concreto as vivendas a rehabilitar serán no portal 1 o baixo C, no portal 2 os baixos D, E e F, e a vivenda adaptada do Portal 3.