O Club Aromon de Pontevedra, en colaboración coa Eurocidade Tui-Valença, dentro da VII Liga Aromon Chema Sport, organizará a I Carreira Internacional de Orientación da Eurocidade, que se celebrará este domingo 14 de outubro.

Esta evento contará con dúas probas, unha de mañá en Valença, con inicio a partir das 10.00 horas españolas, que percorrerá a pé as rúas do interior das murallas de Valença, e pola tarde, a partir das 16.00 horas, polo conxunto histórico de Tui. Os interesados teñen a posibilidade de participar nas dúas probas.

O próximo sábado, 6 de outubro, a partir das 09.00h (hora española), dende o aparcamento dos centros de remo e piragüismo de Tui, terá lugar a saída da última andaina do calendario de andainas saudables da Eurocidade. Será a  Andaina da Pedra Santa, cun percorrido aproximado de 9,5 quilómetros, de dificultade baixa e unha duración aproximada de tres horas, onde se falará da ponte romana do río Louro, dos muíños do Rendo e da lenda da Pedra Santa.

O próximo sábado 29 e domingo 30 de setembro, as pistas de tenis de Tui e Valença, acollerán os partidos finais do V Torneo de Tenis da Eurocidade, organizado polo Club Tenis Tui, en colaboración coa Eurocidade Tui-Valença. Participaron ao longo de todo o torneo máis de 150 tenistas nas distintas categorías establecidas pola organización.

Os horarios das finais serán as seguintes:

Sábado 29

Pistas de Tenis de Areas

            09.30 h – Semifinais dobres masculino

            11.00 h – Final Benxamín

Mañá sábado, 18 de agosto, celébrase a VIII Festa do Miño, cun amplo programa ao longo da xornada que combina gastronomía, música, deporte, natureza… e no que o río Miño será o gran protagonista.

A VIII Festa do Miño comezará ao mediodía cunha romaría popular na ribeira de Caldelas. Dende este punto sairán ás 16h os 850 inscritos no VIII Descenso Popular do Miño, baténdose este ano un novo record de participación.

Este xoves, 16 de agosto, abrirá o prazo de inscrición  para o “V Torneo de Tenis da Eurocidade”, que organiza o Club Tenis Tui, coa colaboración da Eurocidade Tui-Valença. Disputarase nas pistas de tenis da piscina municipal de Valença e nas pistas de tenis de Areas, dende o 13 ao 30 de setembro.

Gastronomía, música, deporte, natureza… son parte dos ingredientes que terá o sábado, 18 de agosto, a VIII Festa do Miño.

O río Miño será o protagonista o próximo sábado, 18 de agosto, en Tui coa celebración do 47º Descenso Internacional do Miño e o 8º Descenso Popular do Miño organizado polo Club Kaiak Tudense Axuda Paramos, o Concello de Tui e a Federación Galega de Piragüismo. As dúas probas reunirán a máis de 1400 padeeiros batendo todo un récord de participación a catro días de que se peche a inscrición.

Mañá mércores, 8 de agosto, ás 11.30 horas, fronte ao pantalán da instalación do Centro Municipal de Piragüismo de Tui, realizarase a presentación do XLVII Descenso Internacional do río Miño e do VIII Descenso Popular do Miño, probas organizadas polo Club Kaiak Tudense-Axuda Paramos, en colaboración co Concello de Tui e a Federación Galega de Piragüismo, que terán lugar o sábado 18 de agosto.

O próximo luns, ás 11h, terá lugar unha recepción no salón de sesións da casa do Concello de Tui aos remeiros do Club Remo do Miño Rodrigo Conde Romero e Carlota González Gil.

Rodrigo Conde vén proclamarse Campión do Mundo de Remo Olímpico na modalidade dobre Scull Sub 23 peso lixeiro na localidade polaca de Poznan.

O sábado, 4 de agosto celebrarase a VIII Travesía a Nado da Eurocidade Tui-Valença. Unha proba que este ano terá carácter popular cunha distancia de case 1000 metros entre o Cais de Valença e a praia da Mariña en Tui.  A saída será ás 11 hora española coincidindo coa pleamar.