O Concello de Tui abre un novo prazo de inscrición para o Campamento de Verán Tui 2018, dado que aínda quedan prazas dispoñibles para as dúas quendas ofertadas do 16 ao 31 de xullo e do 1 ao 15 de agosto.

Dende hoxe xoves 5, ata o remate do prazo de abono da taxa do campamento, o xoves 12 de xullo, poderanse realizar inscricións ata completar as prazas dispoñibles e por rigoroso orden de presentación de solicitudes no rexistro do Concello de Tui, en horario de 9:00 a 14:00 horas.

Este venres, 6 de xullo, ás 12.30 horas, nas instalacións deportivas do Club Hípico Equigalia, en Pexegueiro, presentarase o campionato correspondente a 5ª fase da Liga Galega de Saltos Interclubes, que se celebrará nesas instalacións o domingo 8 de xullo.

A presentación correrá a cargo do concelleiro de Deportes de Tui, Andrés Urseira e do presidente do Club Hípico Equigalia, Luís López.

Este sábado 7 de xullo, dentro do Calendario deportivo da Eurocidade, celebrarase o IV Open Eurocidade de Judo, organizado polo club de judo valenciano Juvalença, en colaboración coa Eurocidade Tui-Valença, a Federación Portuguesa de Judo e o Instituto Portugués de Desporto. O pavillón deportivo municipal de Valença albergará este campionato dende as 15.00 horas españolas. Participarán máis de 250 deportistas nas categorías xuvenil e cadete.

Mañá venres, 29 de xuño, abre o prazo de inscrición para o Campamento de verán 2018 que organiza o Concello de Tui. Este ano ofértanse dúas quendas, a primeira do 16 ao 31 de xullo e a segunda, do 1 ata o 14 de agosto. As solicitudes, xunto á documentación requirida, débese entregar na secretaría da casa do concello ata o día 4 de xullo.

Maña sábado 23 de xuño, abrirá ao público a piscina municipal de Tui, que terá o horario de luns a venres de 13.30 a 20.30 horas, e sábados, domingos e festivos, de 12.30 a 20.30 horas.

Mantense o prezo de anos anteriores fixado en 1,5€ para persoas de 5 a 16 anos e xubilados e 2€ para adultos, sendo gratuíta para os cativos menores de 4 anos. Amais establécense bonos de 30 baños cun prezo de 35 euros o infantil e de xubilados e de 40 € para os adultos.

A piscina permanecerá aberta ata a primeira semana do mes de setembro.

Máis de 300 deportistas participarán este domingo no V Campionato Ibérico de Kung Fu da Eurocidade Tui-Valença que se vai celebrar no pavillón municipal de Tui dende ás 10.30h.

Mañá mércores, 20 de xuño, ás 12.30 horas españolas, terá lugar a presentación do V Campionato Ibérico de Kung Fu Eurocidade, no salón de plenos do Concello de Tui. Este evento, que se celebrara este domingo 24 de xuño, está organizado polo Club Deportivo Di Som Tui, en colaboración coa Eurocidade Tui-Valença e a Federación Galega de Kung Fu.

Esta mañá presentouse no salón de plenos do Concello de Tui a Aloiada 2018, que se celebrará os días 14 e 15 de xuño e na que participarán máis de 200 nenos e nenas de sexto de primaria dos centros educativos de Tui.

Hoxe venres 8 de xuño, ás 11.30 horas, no salón de plenos do Concello de Tui, terá lugar a presentación da actividade Aloiada 2018, organizada polos colexios CEIP Nº1, Nº2, Pazos de Reis, Guillarei, Rebordáns, Maristas, Randufe e Caledas,  en colaboración co Concello de Tui, no que máis de 200 nenos e nenas de sexto de primaria destes colexios, realizarán diferentes actividades deportivas no Parque Natural do Monte Aloia e no río Miño, os días 14 e 15 de xuño.

Tui volve a ser sede dunha das probas do Campionato Galego Inclusivo de Slalom de Motonáutica, organizado polo Club Sen Amarras, coa colaboración da Federación Galega de Motonáutica e do Concello de Tui, no que participarán deportistas con e sen discapacidade.