O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
O Club Náutico San Telmo, vén de aprazar até o martes 1 de maio, o IV Concurso Internacional de Pesca Deportiva de Salmónidos, na modalidade spinning a flote, que se ía celebrar este domingo no río Miño, entre Goián e Salvaterra do Miño. O aprazamento débese ás previsións de choiva para a fin de semana, e ao elevado caudal do río nestes momentos.
O deporte abre a programación do sábado, 7 de abril, nas festas de San Telmo en Tui. Medio centenar de persoas participarán dende ás 10h na Andaina Festas de San Telmo que realizará un percorrido urbano de 8 quilómetros. Unha hora máis tarde comezará a Carreira Popular Solidaria de San Telmo na que se inscribiron 600 persoas nas distintas categorías dende veteranos e senior até pitufos. Entre as novidades deste ano está que se recurta a distancia para as categorías superiores que será de 5 quilómetros.
Mañá mércores, 4 de abril, será Día do Deporte dentro da programación das Festas de San Telmo con exhibicións de distintos deportes que se van celebrar no pavillón do IES San Paio.
Este sábado 7 de abril, a partir das 10.00 horas españolas, dende o Palco da Música, no Paseo da Corredoira de Tui, sairá a Andaina de San Telmo, que forma parte do Circuíto de Andainas Saudables da Eurocidade, organizado polo Club AndaTui Rego da Pedra, en colaboración coa Eurocidade Tui-Valença.
Esta andaina terá unha percorrido de 8 quilómetros, de dificultade baixa cunha duración aproximada de dúas horas e media.
Até o próximo mércores, 4 de abril, está abertas as inscricións para a Carreira Popular de San Telmo que, neste ano 2018, se celebrará o sábado 7 de abril. A proba disputarase a partir das 11.00 horas, dende o Paseo da Corredoira organizada polo Club Atletismo Tui-Thermalia e o Concello de Tui.
A proba contará con participantes de todas as categorías, dende pitufos, nados en 2013, 2014 e 2015, ata veteranos, a partir dos nacidos en 1972, esperando un número aproximado de 800 corredores.
Do sábado 24 ao luns 26 de marzo, a Eurocidade Tui-Valença acollerá unha nova edición do Torneo Internacional de Mini Basket, organizado polo Basket Club Valença, en colaboración coa Eurocidade Tui-Valença e a Federación Portuguesa de Baloncesto.
Hoxe venres 9 de marzo, o CPA Ribex de Tui desprazase ata Avilés, para participar no Campionato de España de Patinaxe Artístico de Grupos Show Sénior, que se celebrará nesa localidade asturiana, hoxe venres e mañá sábado 10, no pavillón municipal O Quirinal.
O club tudense enfrontarase aos vintecinco mellores clubs de España, que foron os mellores clasificados nas súas respectivas comunidades autónomas, en busca dunha das catro prazas para o Campionato de Europa.
O próximo domingo 4 de marzo, a partir das 09.00 horas españolas, dende a piscina municipal de Valença, sairá a “VII Eurocidade BTT”, proba deportiva de ciclismo de montaña, organizada pola Eurocidade Tui-Valença, en colaboración coa Peña Ciclista Biciosos Rías Baixas, que percorrerá polas dúas cidades e polos dous montes, o Aloia e o Faro, con dous posibles percorridos, un de 42 e outro de 74 quilómetros, dependendo do nivel de cada participante.
Os padeeiros Manu Garrido, Óscar Graña e Ramón Ferro do Club Kaiak Tudense recibiron onte o Premio Deporte Tudense 2017 na categoría masculina, tras proclamarse subcampións do Mundo de Maratón, e medalla de bronce no Europeo en c1 no caso de Manu Garrido e en c2 no de Ramón Ferro e Óscar Graña. O premio na categoría feminina foi concedido ao equipo de Kaiak Polo
Ás 20.30h o Teatro Municipal de Tui acollerá a VI Gala do Deporte Tudense na que se recoñecerá o traballo dos deportistas, clubs, entidades ao longo do ano 2017. O acto contará coa presenza do alcalde de Tui, Carlos Vázquez Padín, a deputada de Deportes, Chelo Besada, o presidente da Cámara de Valença, Jorge Salgueiro, os membros da corporación municipal de Tui, entre outras autoridades.
