O deporte é un dos grandes valores que Tui posúe. O municipio conta con máis de 40 clubs deportivos pertencentes a máis dunha véntena de modalidades deportivas.
Dende os populares fútbol, baloncesto ou balonmán, pasando por tenis, atletismo, judo ou patinaxe, por nomear só algúns, xa que a lista completa sería longa en exceso. Pero si en algo brilla Tui no eido deportivo é sen lugar a dúbidas nos deportes de río: piragüismo e remo. A cidade conta con deportistas olímpicos, campións do Mundo, de Europa e de España en distintas modalidades que conforman un longo inventario de deportistas dos clubs locais que chegaron ao máis alto. Algo inusual e practicamente único que fai de Tui un exemplo a seguir na promoción do deporte tanto de elite coma de base.
Este mércores, 24 de xullo, ás 11 horas, na casa do concello de Tui, terá lugar a presentación do Campionato de Galicia de Fondo en Estrada Máster de Ciclismo, organizado polo Club Ciclista de la Fuente, coa colaboración do Concello de Tui e a Federación Galega de Ciclismo. Disputarase este domingo, 28 de xullo, dende o Paseo da Corredoira de Tui.
O Concello de Tui publica o listado de admitidos/as no Campamento de Verán de Tui 2019, no que todos/as as/os inscritos/as están admitidos/as.
Así mesmo, o Concello de Tui abre un novo prazo de inscrición, dado que aínda quedan prazas dispoñibles para as dúas quendas.
Dende hoxe martes 25, ata o remate do prazo de abono da taxa do campamento, o mércores 3 de xullo, poderanse realizar inscricións ata completar as prazas dispoñibles e por rigoroso orde de presentación de solicitudes no rexistro do Concello de Tui, en horario dende as 9 a 14 h.
Preto de 350 deportistas, a partir dos 8 anos, van a participar no VI Campionato Ibérico de Kung Fu moderno e tradicional da Eurocidade, que terá lugar no novo Pavillón Municipal de Tui este domingo a partir das 10.30h. Os participantes proveñen de Valencia, Castela e León, Castela a Mancha, Andalucía, Madrid, Asturias e todo o territorio galego, ademáis de varios clubs de Portugal.
Mañá xoves, 20 de xuño, ás 11.00 horas españolas, terá lugar, no salón de plenos da casa do concello de Tui, a presentación do VI Campionato Ibérico de Kung Fu Eurocidade. Este evento, organizado polo Club Deportivo Di Som Tui, en colaboración coa Eurocidade Tui-Valença e a Federación Galega de Kung Fu, celebrarase este domingo, 23 de xuño, a partir das 10.30 horas, no novo pavillón deportivo municipal de Tui.
O equipo alevín do Tyde F.C. vai participar por sexto ano consecutivo no Torneo Internacional de Fútbol de Versmold, en Alemaña. A expedición tudense, formada por 53 persoas entre xogadores, directivos, adestradores e familiares, partirá o mércores ás 8 h dende a Estación de Autobuses de Tui.
Na mañá de hoxe presentouse no concello de Tui a Aloiada 2019 na que van a participar os 8 centro educativos de Tui, CEIP Nº1, Nº2, CEIP Pazos de Reis, CEIP de Rebordáns, CEIP de Guillarei, CEIP de Randufe, CEP de Caldelas e CPR Sta Mº Maristas.
Mañá martes, 11 de xuño, ás 11.30 horas, no salón de plenos do Concello de Tui, terá lugar a presentación da actividade Aloiada 2019, organizada polos colexios CEIP Nº1, Nº2, Pazos de Reis, Guillarei, Rebordáns, Maristas, Randufe e Caldelas, en colaboración co Concello de Tui.
O equipo alevín do Club Tenis Tui proclamouse esta fin de semana subcampión galego de Primeira División. O equipo formado por Raúl Carreto, Gonzalo González, David Costas e Pablo Gregores impúxose na semifinal ao Mercantil de Vigo, e na final perdeu fronte ao Casino da Coruña.
Dende o Concello de Tui felicítase aos xogadores do Club Tenis Tui e ao club por este resultado.
A Eurocidade Tui-Valença será sede do I Trofeo de Hip Hop da Eurocidade, que se celebrará este sábado, 1 de xuño, a partir das 16.00 horas, no novo pavillón deportivo municipal de Tui. Está organizado pola Escola de Baile Pasos Galicia, en colaboración coa Eurocidade Tui-Valença, o CSD, a Federación Española de Baile Deportivo e a Federación Española de Hip Hop.
Máis de 250 deportistas competirán neste trofeo en busca dunha das prazas para participar no Campionato do Mundo de Street Dance, que se celebrará no mes de agosto, na localidade británica de Blackpool.
O Campamento de Verán de Tui 2019, organizado polo Concello de Tui contará este ano con dúas quendas, a primeira do 15 ao 31 de xullo, e a segunda do 1 ao 16 de agosto. O prazo de inscrición será do 11 ao 21 de xuño, entregando a solicitude e a documentación requirida, na secretaría da casa do Concello de Tui.
