Tui conta cunha ampla oferta formativa dende os primeiros anos da infancia nas Escolas Infantís, posteriormente nos ciclos de Infantil e Primaira nos colexios, a ESO, Bacharelatos e Ciclos Formativos nos institutos até a universidade cos estudos do grao en Psicoloxía que oferta a Aula da UNED.
Tamén se poden cursar estudos regrados de idiomas na sección de Tui da Escola Oficial de Idiomas ou de música no Conservatorio Profesional de Grao Medio.
A ampla oferta de actividades de extensión universitaria na Aula da UNED, cursos de formación ocupacional no Centro Municipal de Formación forman parte da oferta educativa tudense, que se completa cos cursos promovidos por distintas asociacións e entidades ao longo do ano.
“Educando en positivo” é o título do Faladoiro en Educación a celebrar mañá xoves, 2 febreiro, ás 18h na Sala Félix Rodríguez da Área Panorámica. Este é a quinto dos seis actividades previstas este curso nun programa organizado polo Concello de Tui e o Colexio Rural Agrupado Mestra Clara Torres que comezou o 3 de novembro. O derradeiro faladoiro terá lugar o 2 de marzo co tema “Na procura dunha proposta creativa de deberes”.
A totalidade dos alumnos do CEIP nº1 e do CEIP nº2 de Tui participaron nas últimas semanas nas Xornadas de Educación Vial promovidas polo Concello de Tui, a través da Concellería de Seguridade, xunto á Dirección Xeral de Tráfico e a Policía Local, coa colaboración destes dous centros educativos.
Convenio de colaboración entre o Concello de Tui e a ANPA As Olivas do CEIP nº2 de 7 de novembro de 2016.
Convenio de colaboración entre o Concello de tui e a ANPA Diomedes do CEIP nº1 do 27 de outubro de 2016
Convenio de colaboración entre o Concello de Tui e o San Xerome Emiliani do 26 de outubro de 2016
Convenio de colaboración entre o Concello de Tui e ANPA San Mamede do CEIP de Guillarei de 3 de novembro de 2016