Enrique Cabaleiro González foi investido alcalde de Tui o sábado, 17 de xuño de 2023.
Casa do Concello. Praza do Concello 1. 36.700 Tui
986 60 36 43 | contacto.alcaldia@tui.gal
Ante a situación de seca dos últimos meses convén realizar un consumo responsable da auga, tentando reducir o consumo na medida do posible.
Trece puntos figuran na orde do día do Pleno de carácter ordinario que este xoves, 31 dexullo, ás 20 h vai celebrar a corporación municipal de Tui.
1. Aprobación de actas de sesións anteriores: ordinaria celebrada o 29.05.2025 e extraordinarias celebradas o 24.06.2025 e 01.07.2025.
2. Expediente 3525/2025. Ditame sobre festivos locais para o ano 2026.
3. Expediente 998/2025. Proposta de aprobación da Conta Xeral do Exercicio 2024 así como os Estados e Contas anuais anexos á mesma.
Onte mércores, 23 de xullo, estivo na nosa cidade Marie Vandeplassche da equipa de Relacións Gobernamentais de TUI Group, o principal touroperador turístico europeo para manter unha xuntanza co alcalde tudense, Enrique Cabaleiro González, e a concelleira de turismo, Ana María Núñez Álvarez. Este encontro da continuidade ao que mantiveron o pasado mes de xaneiro os responsables municipais tudenses co CEO de Tui Group, Sebastian Ebel, en Fitur 2025.
Tui recibe a visita do novo director xerente da Red de Juderías de España – Caminos de Sefarad, Iñaki Echeveste. Hoxe xoves e mañá venres estará no municipio para coñecer directamente o patrimonio xudeu e criptoxudeu que atesoura a nosa cidade que forma parte dende o ano 2019 deste rede que integra na actualidade a 21 municipios de España.
O alcalde de Tui, Enrique Cabaleiro, reuniuse onte á mañá con representantes da Plataforma Cidadá de afectados polo Su 11 de Tui, logo de que presentasen a solicitude de modificación do planeamento urbanístico neste ámbito. O escrito está acompañado de 14 folios coas sinaturas de 407 veciños e veciñas apoiando o manifesto da plataforma.
O respecto polo medio ambiente e a loita contra o cambio climático reducindo os gases de efecto invernadoiro que se emiten á atmosfera foron parte dos obxectivos do cambio das luminarias realizado nos accesos ao centro urbano dende Randufe e Guillarei, así coma nas céntricas rúas Compostela, Casal Aboy e Maristas. Déixanse de emitir máis de 51,46 toneladas de C02 a atmosfera ao pasar das lámpadas de vapor sodio á tecnoloxía led. Este cambio conleva amais un aumento na seguridade nestas zonas ao contar cunha iluminación máis eficiente.
Avanzan a bo ritmo as obras de recuperación da senda do río Caselas, na parroquia tudense de Caldelas. Esta actuación, dividida en dúas fase, a primeira a propia senda e a segunda a recuperación dos elemento etnográficos, suporá un investimento de 935 mil euros, a través do convenio asinado entre o Concello de Tui e a Confederación Hidrográfica do Miño-Sil, CHMS. Segundo este documento a CHMS aportará 748 mil euros e o Concello 187 mil euros.
Yiusef, Ahmed, Yusef e Yahida son os nenos saharauís que pasarán o verán con familias acolledoras de Tui grazas ao programa Vacacións en Paz que promove Solidariedade Galega co Pobo Saharauí.
Esta mañá foron recibidos, xunto ás súas familias, na casa do concello polo alcalde, Enrique Cabaleiro, a concelleira, Ana Mª Núñez, e os concelleiros Rafael Estévez e Ismael Diz, tras chegar esta semana a Galicia.
O alcalde de Tui, Enrique Cabaleiro, as alcaldesas de Mos, Nidia Arévalo, e de Salceda de Caselas, Loli Castiñeira, e o alcalde do Porriño e presidente do Consorcio, entregaron a comezos de xullos os premios do VIII Concurso de Debuxo Infantil, convocado polo Consorcio do Louro e Aqualia, e que este ano tivo por lema “Os gardiáns sostibles na rexeneración: o planeta precisa o súper poder da túa imaxinación”.
A Eurocidade Tui-Valença acollerá o sábado 2 de agosto o IV Encontro Ibérico Audi organizado por PRC Vigo Audisport - Club Audi Galicia. Nesta cuarta edición, que se prevé reúna máis dun centenar de persoas, os organizadores apostaron por Tui e por Valença, salientando o atractivo turístico das dúas cidades e a súa situación estratéxica.
