Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá domingo, 1 de decembro, comeza a programación “Tui, o Camiño do Nadal, o camiño natural” organizada polo Concello de Tui.
O acendido da iluminación de Nadal marcará o inicio da actividade festiva que xira este ano entorno ao medio ambiente e ao patrimonio natural, histórico e inmaterial da cidade.
“Tui, Camiño do Nadal, o camiño natural” é o lema baixo o que se celebra este ano a programación de Nadal en Tui. Dende o concello de Tui apóstase por un amplo programa de actividades dirixidas a público de todas as idades que se van celebrar dende este domingo, 1 de decembro, até o 5 de xaneiro.
Esta tarde o alcalde, Enrique Cabaleiro, e as concelleiras de Ensino e Cultura, Sonsoles Vicente, e Comercio e Mercado, Ana Mª Núñez, presentaron a programación a desenvolver que ten coma eixos o patrimonio tudense, o Camiño de Santiago e a sustentabilidade.
Mañá xoves, 28 de novembro, ás 16.30 h na sala de reunións da casa do concello de Tui presentarase a programación de Nadal organizada polo Concello de Tui. Comparecerán ante os medios de comunicación o alcalde de Tui, Enrique Cabaleiro, xunto ás concelleiras de Cultura e Ensino, Sonsoles Vicente, e Comercio e Mercado, Ana Mª Núñez.
Máis de 600 alumnos e alumnas con idades entre os 3 e os 7 anos de centros educativos de Tui asistirán mañá mércores, 27 de novembro, no Teatro Municipal á representación de “Somos iguais. Contos pola igualdade” con Raquel Queizás. Está organizada pola concellería de Cultura de Ensino, da man de
A Sala de Exposicións Municipal, no edificio Francisco Sánchez, acolle até o 1 de decembro a exposición itinerante “Alto Minho, paisagens, espécies, historias” promovida pola Comunidade Intermunicipal – CIM Alto Minho co obxectivo de revelar a beleza da biodiversidade e a riqueza cultural dos municipios do Alto Minho.
“Accesibilidade á atención psicolóxica durante e despois dunha catástrofe: experiencia Tui-Paramos” é o título das XXIV Xornadas da Sección de Psicoloxía e Saúde do Colexio Oficial de Psicoloxía de Galicia que dende mañá xoves e até o sábado se van celebrar no Teatro Municipal, no edificio da Área Panorámica de Tui. Están organizadas polo Colexio Oficial de Psicoloxía de Galicia, contando coa colaboración do Concello de Tui e da Ordem dos Psicloógos Portugueses.
A Casa Cultural de Caldelas acolle este domingo, 17 de novembro, ás 12 h a charla coloquio “Lindbergh en Caldelas”, cando se cumpren 86 anos do amerizaxe do aviador norteamericano no río Miño.
A charla correrá a cargo de Rafael Sánchez Bargiela, historiador e técnico do Arquivo, Museo e Biblioteca do Concello de Tui, e de Jose Manuel do Souto Pereira Gomes, piloto, instrutor de voo, socio fundador do Aeroclube de Cerval e director do aeródromo de Cerval, en Valença.
A casa do Concello de Tui iluminarase de azul na noite do mércores 13 ao xoves 14 de novembro para conmemorar o Día Mundial da Diabetes.
Mañá mércores, 13 de novembro, ás 11.30 h na sala de reunións da casa do concello de Tui terá lugar a presentación das XXIV Xornadas da Sección de Psicoloxía e Saúde do Colexio Oficial de Psicoloxía de Galicia “Accesibilidade á atención psicolóxica durante e despois dunha catástrofe: experiencia Tui-Paramos” que se van celebrar en Tui dende este xoves até o sábado.
O próximo luns, 11 de novembro, ás 11.30 h na sala de reunións da casa do Concello de Tui terá lugar a presentación do III Congreso Internacional Camiño Portugués de Santiago: un patrimonio cultural para a nova Europa que se vai celebrar do 14 ao 16 de novembro en Tui e Valença. Está organizado polo Grupo Compostela de Universidades.
