Tui volverá facer unha viaxe á época medieval do 30 de agosto ao 1 de setembro da man do cuarto Festival da Cultura Arraiana, Arraianos. Cada ano na cidade ábrese un desfase temporal polo que regresa a distintas épocas do pasado debido ás avarías que sofre unha máquina do tempo deseñada por unha científica tola.  Así comezou hai catro anos un festival que dende o primeiro momento contou coa involucración da cidadanía, do comercio e da restauración local, e que edición a edición vai gañando adeptos tanto entre tudenses coma entre visitantes.

Mañá venres, 23 de agosto, ás 11 h na sala de reunións da casa do concello de Tui terá lugar a presentación do IV Festival da Cultura Arraiana, Arraianos que se vai celebrar en Tui do 30 de agosto ao 1 de setembro.

Comparecerán ante os medios de comunicación o alcalde, Enrique Cabaleiro, a concelleira de Ensino e Cultura, Sonsoles Vicente, a directora de Arraianos, Andrea Costa, e o responsable da parte didáctica e histórica do festival, Víctor Pérez Bugarín.

O alcalde de Tui, Enrique Cabaleiro, e a concelleira de Cultura, Sonsoles Vicente, recibiron este mediodía na casa do concello ao xove bailarín tudense, Ángel Giráldez, que aos seus 18 anos comezará en setembro os seus estudos na Vaganova Ballet Academy en San Petersburgo, fundada en 1738.

Mañá mércores, 14 de agosto, remata o ciclo de Cinema de Verán que forma parte da programación de “Verán na rúa”. Mañá ás 22 h, na  praza de San Fernando proxectarase a película “Teen Titans Go” dirixida por Aaron Horvath e Peter Rida Michail.

Tras decatarse que outros superheroes teñen as súas propias películas os Teen Titans buscan o director perfecto para debutar na gran pantalla. Pero no seu camiño atópanse con Supervillano e o seu maléfico plan para facerse coa Terra.

Miles de persoas agárdase que gocen mañá en Tui da IX Festa do Miño que se vai celebrar ao longo da xornada e que terá o río Miño coma eixo central.  

Mañá venres, 9 de agosto, ás 11 h na sala de reunións da casa do concello de Tui o alcalde, Enrique Cabaleiro, e a concelleira de Cultura, Sonsoles Vicente, presentarán a presentación da IX Festa do Miño que se vai celebrar este sábado en Tui.

A igrexa de San Domingos acollerá este mércores, 7 de agosto, a xornada organizada polo Instituto de Estudos Tudenses titulada “San Domingos: arte e historia”. Colabora nesta actividade o Concello de Tui e da Asociación Amigos da Catedral.  Esta mañá presentouse esta xornada na casa do concello por parte do alcalde, Enrique Cabaleiro, e do presidente do Instituto de Estudos Tudense, Javier Añoveros.

O próximo luns, 5 de agosto, ás 11 h na sala de reunións da casa do concello de Tui terá lugar a presentación da Xornada sobre San Domingos: arte e historia que organiza o Instituto de Estudos Tudenses coa colaboración do Concello de Tui e da Asociación Amigos da Catedral.  Esta Xornada sobre San Domingo vaise celebrar o próximo mércores 7 de agosto.

A presentación correrá a cargo do alcalde de Tui, Enrique Cabaleiro, e do presidente do Instituto de Estudos Tudenses, Javier Añoveros.

O sábado, 10 de agosto, vaise celebrar a IX Festa Gastronómica na rúa Compostela formando parte da programación da IX Festa do Miño. As asociación culturais do municipio que desexen participar neste evento gastronómico deberán presentar a súa solicitude, no modelo normalizado, xunto á documentación requirida mañá venres e o luns 5 de agosto de 9 a 14h por rexistro de entrada.

Este venres, 2 de agosto,  temos unha nova cita co Cinema de Verán na praza de San Fernando. Ás 22.15 h proxectarase a película de "Small foot". Trátase dunha aventura animada para todos os públicos dirixida por Karey Kirkpatrick, con música orixinal  de Heitor Pereira.