Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Mañá ás 17 h comezará en Tui o Desfile Concurso de Entroido establecido polas rúas Casal Aboy, Compostela, Betanzos, Irmáns Maristas, Ourense, A Guarda e Mondoñedo. Está organizado polo Concello de Tui a través da Concellería de Cultura. Mañá martes é festivo local en Tui.
Trece comparsas participarán neste evento festivo con 18 carrozas e preto de 900 persoas.
O Concello de Tui vai conmemorar o Día de Rosalía con diversas accións promovidas pola concellería de Cultura. En 2013 o Concello de Tui acordou a celebración anual desta efeméride.
Por unha parte a Biblioteca Municipal, dependente da Concellería de Cultura, ten preparado diversas lonas con varios dos poemas máis populares de Rosalía de Castro que se colocarán en lugares emblemáticos da cidade para lembrar esta celebración e contribuír á difusión da súa obra poética.
Trece comparsas participarán o próximo martes, 25 de febreiro, festivo local en Tui, no Desfile Concurso de Entroido organizado polo Concello de Tui a través da Concellería de Cultura.
Cinco das trece comparsas participantes son de Tui e dúas chegan dende Salceda. Tamén está inscritas agrupacións de Tomiño, Redondela, O Porriño, Nigrán, Gondomar, e Arbo. Catro das trece comparsas rexistradas son de fantasía.
Mañá venres, 14 de febreiro, ás 20 h terá lugar a inauguración da exposición fotográfica “Camiño de Santiago e identidade europea” na Sala de Exposicións Municipal na Área Panorámica.
O acto correrá a cargo do alcalde de Tui, Enrique Cabaleiro e do responsable do Centro de Estudos Hispánicos da Universidade de Ratisbona, Pedro Álvarez Olañeta.
Un espectáculo musico-teatral é o que chega este sábado ao Teatro Municipal de Tui da man de Magín Blanco e Teatro Ghazafelhos. O público poderá gozar dende ás 18.30 h con “A nena e o grilo máis aló”.
O anexo da Sala Municipal de Exposicións, na Área Panorámica acolle até o sábado, 29 de febreiro, a mostra “As raigañas do Entroido” do fotógrafo Fernando Seadur.
Mañá mércores, 12 de febreiro, ás 10.30 h haberá presentación da mostra a cargo do propio autor, xunto á concelleira de Ensino e Cultura, Sonsoles Vicente.
Nesta exposición reúnese unha pequena escolma do amplo arquivo, integrado por máis de 80 mil fotografías, sobre o Entroido galego realizadas por Fernando Seadur.
O Teatro Municipal de Tui acolle este venres, 14 de febreiro, ás 21.30 h, a representación de “A compañeira de piso” da man de Contraproducións.
Trátase da primeira adaptación da obra escrita por Jen Silverman, fóra dos escenarios norteamericanos. Está dirixida por Belén Pichel e Cándido Pazó e realizada en coprodución co Centro Dramático Galego.
O Concello de Tui vén de convocar o concurso para elixir o cartel anunciador das Festas de San Telmo 2020, que se van celebrar do 11 ao 20 de abril.
A convocatoria está aberta a artistas plásticos, creadores ou persoas interesadas que terán de prazo até o 29 deste mes de febreiro, ás 14 h, para presentar un máximo de tres obras orixinais e inéditas. Nas mesmas deberá figurar "FESTAS DE SAN TELMO , TUI, DE 11 A 20 DE ABRIL DE 2020. Festas declaradas de interese turístico galego”. Amais figurará o escudo oficial da cidade de Tui, xunto ao nome da entidade, Excmo. Concello de Tui.
Unha proposta teatral dirixida a nenos e nenas de 0 a 4 anos é a que chega este sábado, en dobre función, ao Teatro Municipal de Tui dentro da programación cultural organizada polo Concello de Tui.
A compañía Caramuxo Teatro presenta “Zapatos” unha obra recomendada pola Rede Nacional de Teatros. Haberá dous pases, ás 17 h e ás 18.30 h, coa capacidade limitada a 100 espectadores por función.
“O que arde” de Oliver Laxe poderá verse este venres en Tui en dobre función, ás 19.30 h e ás 21.30 h. O Concello de Tui ante a gran demanda de localidades rexistrada dende a apertura da venda online o pasado sábado decidiu realizar dous pases da película.
