. A Biblioteca Pública Municipal de Tui promove unha iniciativa para achegar os libros á cidadanía co gallo da celebración mañá xoves, 23 de abril, do Día do Libro, unha data para a que estaba programada a undécima edición de “Tui Le”, unha xornada de actividades arredor do libro e a lectura que organizan anualmente as bibliotecas escolares dos colexios e institutos de Tui xunto coa Biblioteca Municipal tudense (unha iniciativa á que este ano tiña previsto sumarse tamén a Biblioteca Municipal de Valença).

Tui preparase para vivir dende a casa a fin de semana das Festas de San Telmo. Dende o Concello programáronse unha serie de actividades para vivir este #SanTelmoNaCasa. As redes  sociais municipais e a participación veciñal son nexo condutor das iniciativas propostas.

Nas festas miramos ao #SanTelmoNaMemoria, pero tamén queremos mirar cara ao futuro. Por iso hoxe propomos que compartades os vosos desexos para o #SanTelmoNoFuturo, propostas, ideas, actividades, ...

Podes deixar nas nosas redes sociais - Facebook, Twitter e Instagram, os teus desexos, propostas, ideas para as festas de San Telmo no futuro.

Unha ollada ao pasado pero tamén ao futuro son as primeiras propostas para a participación da veciñanza en #SanTelmoNaCasa. Trátase da celebración virtual das festas de San Telmo que na fin de semana comezou a través das redes sociais municipiais – Facebook, Twitter e Intagram – e que continuará até o próximo luns, 20 de abril, Luns de San Telmo.

As festas de San Telmo imos celebralas este ano na casa. Farémolo sen lugar a dúbidas dun xeito diferente, compartindo seguramente lembranzas, momentos doutros anos, imaxes que gardamos na retina... Convidámosche a compartir nas nosas redes sociais - Facebook, Twitter e Instagram - o teu #SanTelmoNaMemoria.

“Cor de Festa” de Juan Diego Ingelmo Benavente, de Burriana, Castellón, foi o cartel ganador do concurso convocado polo Concello de Tui para anunciar as Festas de San Telmo 2020. O xurado valorou a calidade ténica e conceptual da proposta gañadora, o seu carácter orixinal e innovador, así coma recoller no deseño os valores e significado das festas, reflectindo o carácter festivo.

As festas de San Telmo estaban previstas do 11 ao 20 deste mes de abril, pero debido ao Estado de Alarma pola crise do coronavirus foron suspendidas.

Adiviña que imaxe se esconde baixo o quebracabezas

O Concello de Tui, a través da concellería de Cultura e a Radio Municipal de Tui, lanza o Quebracabezas Tui. Trátase dunha iniciativa que busca por unha parte unha proposta de lecer nesta época de confinamento e por outra tamén a promoción turística da cidade. 

#SanTelmoNaCasa

As Festas de San Telmo 2020, previstas do 11 ao 20 de abril, non se poderán celebrar na rúa debido ao Estado de Alarma pola crise do Coronavirus. Por este motivo dende o Concello de Tui proponse o #SanTelmoNaCasa, con diversas iniciativas on line que se irán dando a coñecer a próxima semana.

Dende a Biblioteca Pública Municipal de Tui realizouse unha compilación de recursos en liña sobre libros e lectura.

Tui conta cun importante patrimonio cultural, sendo este unha das súas principais sinais de identidade, así coma un dos seus destacados recursos turísticos.

Nestes días de confinamento o Concello de Tui publica unha compilación de recursos accesibles en liña para visitar este patrimonio e afondar no seu coñecemento.