Tui mostra gran dinamismo no eido da cultura, innumerables actividades o longo de todo o ano, enchen o calendario de citas de gran interese para tanto para os veciños como para os visitantes. As asociacións culturais das parroquias, os grupos de música tradicional, os coros e outros tipos de asociacións xunto co Concello conforman cada ano unha paisaxe chea de actividades de todo tipo. O teatro Municipal do edificio Francisco Sánchez e o escenario de boa parte delas, obtendo ano a ano cifras de espectadores propias de cidades de maior tamaño. Exposicións, festivais de música e cine, feiras, … fan que a cultura teña en Tui un valor excepcional.
Tui acolle mañá mércores, 16 de outubro, o encontro de axentes culturais de Galicia e Portugal promovido por Escena Galega, a Asociación Galega de Empresas de Artes Escénicas.
A Biblioteca Pública Municipal de Tui acolle este xoves, 10 de outubro, ás 17.30 h un obradoiro de ilustración a cargo de Xosé Tomás. Esta actividade forma parte do programa organizado para conmemorar o Día da Biblioteca, que se celebra o 24 de outubro.
Este obradoiro vai dirixido a nenos e nenas de 8 a 12 anos, que se deberán inscribirse previamente, de forma gratuíta, na propia biblioteca.
Un obradoiro de ilustración, contacontos e unha ruta literaria forman parte do programa co que se conmemora en Tui o “Día da Biblioteca”, que se celebra o 24 de outubro. O programa organizado pola Biblioteca Pública Municipal de Tui vaise desenvolver ao longo do presente mes de outubro con diversas actividades de animación á lectura.
A primeira cita ten lugar hoxe xoves, ás 20 h, coa presentación do libro “A invención da Gallaecia e a minaría do ouro” de Óscar Pazos Rodríguez na Sala Félix Rodríguez.
Este xoves, 3 de outubro, ás 20 h na Sala Félix Rodríguez da Área Panorámica terá lugar a presentación do libro “A invención da Gallaecia e a minaría do ouro. Unha tese sobre as orixes de Galicia” de Óscar Pazos Rodríguez. Con esta presentación ábrense as actividades de animación á lectura organizadas pola Biblioteca Pública Municipal de Tui co gallo do Día da Biblioteca que se celebra o xoves 24 de outubro.
O Paseo Fluvial de Tui acolle dende mañá venres, 27 de setembro, ata este domingo, 29 de setembro, o I Tui Beer Fest, o Festival da Cervexa Artesá e Foodtruck organizado pola Asociación Galega de Cervexeiros Artesáns coa colaboración do Concello de Tui. Este evento foi presentado esta mañá na casa do concello polo alcalde, Enrique Cabaleiro, pola concelleira de Cultura, Sonsoles Vicente, e polo presidente da Asociación Galega de Cervexeiros Artesáns, Esteban Loureiro.
Mañá xoves, 26 de setembro, ás 11 h na sala de reunións da casa do concello de Tui terá lugar a presentación o I Tui Beer Fest, o Festival da Cervexa Artesá e Foodtruck.
A presentación correrá a cargo da concelleira de Cultura, Sonsoles Vicente, do presidente da Asociación Galega de Cervexeiros Artesáns, Esteban Loureiro.
O ambiente medieval toma xa as rúas de Tui e distintos establecementos comerciais preparados para a celebración dende mañá e até o domingo do IV Festival da Cultura Arraiana, Arraianos.
Tui volverá facer unha viaxe á época medieval do 30 de agosto ao 1 de setembro da man do cuarto Festival da Cultura Arraiana, Arraianos. Cada ano na cidade ábrese un desfase temporal polo que regresa a distintas épocas do pasado debido ás avarías que sofre unha máquina do tempo deseñada por unha científica tola. Así comezou hai catro anos un festival que dende o primeiro momento contou coa involucración da cidadanía, do comercio e da restauración local, e que edición a edición vai gañando adeptos tanto entre tudenses coma entre visitantes.
Mañá venres, 23 de agosto, ás 11 h na sala de reunións da casa do concello de Tui terá lugar a presentación do IV Festival da Cultura Arraiana, Arraianos que se vai celebrar en Tui do 30 de agosto ao 1 de setembro.
Comparecerán ante os medios de comunicación o alcalde, Enrique Cabaleiro, a concelleira de Ensino e Cultura, Sonsoles Vicente, a directora de Arraianos, Andrea Costa, e o responsable da parte didáctica e histórica do festival, Víctor Pérez Bugarín.
O alcalde de Tui, Enrique Cabaleiro, e a concelleira de Cultura, Sonsoles Vicente, recibiron este mediodía na casa do concello ao xove bailarín tudense, Ángel Giráldez, que aos seus 18 anos comezará en setembro os seus estudos na Vaganova Ballet Academy en San Petersburgo, fundada en 1738.
