Curso de iniciación á música para pensionistas e xubilados

O Conservatorio Profesional de Música do Concello de Tui en colaboración coa Escola de Música Municipal de Tui e o departamento de Servizos Sociais do Concello de Tui, pon en marcha un curso de Iniciación á música.

 

Este curso está dirixido a pensionistas e xubilados interesados en iniciarse no mundo da música, tanto a nivel teórico coma a nivel instrumental. O curso estará impartido por D. Algirdas Petras Pocius, músico, Director de Orquestras de Corda e Mestre de Violín/Viola na Escola de Música e no Conservatorio Profesional de Tui.

 

O horario do curso será os martes de 10:00 a 13:00 h. (o primeiro día concretaranse horarios) Comezará o día 09 de Outubro e terá como remate o día 18 de Xuño.

 

O curso consta dunha parte teórica e unha práctica.

a)Parte Teórica:

-Coñecer as diferentes cualidades do son.

-Coñecemento e comprensión das Notas, Figuras e Silencios, así coma a súa aplicación na música.

-Coñecementos básicos para lectura de partituras simples: pentagrama, clave de sol, liñas adicionais,....

- Rítmica: estructuras rítmicas,lectura rítmica,imitación, xogos rítmicos.

 

b)Parte Práctica:

- Recoñecemento de ritmos e sons.

- Expresión vocal. Respiración, entoación,...

- Movementos rítmicos co corpo, introducción a bailes do mundo.

-Iniciación da práctica musical. Paso da teoría á práctica con instrumentos de Percusión Orff e con Frautas Doces.

 

Matrícula estará aberta ata cubrir prazas.

 

As solicitudes poden ser entregadas no Departamento de Servizos Sociais ou no Conservatorio Profesional/Escola de Música de Tui. Para máis información:

-          Servizos Sociais do Concello: 986603625  Ext. 54

-          Conservatorio/Escola de Música: 986604404